"თქვენ  პოლიცია ბიძინა ივანიშვილის და მისი პინგვინების სიმშვიდის სადარაჯოზე გადაიყვანეთ, რითიც მათ ღირსებას ფეხი დააბიჯეთ",-ასე მიმართა "ერთიანი ნაციონალური მოძრაობის" წევრმა ირმა ნადირაშვილმა საკანონმდებლო ორგანოში საპარლამენტო უმრავლესობის წარმომადგენლებს.

ირმა ნადირაშვილის თქმით, შექმნილ ვითარებაში, გასაკვირი არაა, რომ შინაგან საქმეთა მინისტრის მოადგილის ლევან იზორიას ძმა სპეციალური საშვით გადაადგილდება.

"თქვენ გადაიყვანეთ პოლიცია ბიძინა ივანიშვილის და მისი პინგვინების სიმშვიდის სადარაჯოზე და გახადეთ ისინი მის სახლთან გუშაგებად, რითიც მათ ღირსებას დააბიჯეთ ფეხი. ბიძინა ივანიშვილმა ჩვენ შემოგვთავაზა სქემა, რომ უნდა დაინიშნონ მის მიმართ ლოიალურად განწყობილი ადამიანები, როდესაც ამას ხედავს იზორია, ცხადია, არავის უნდა გვიკვირდეს, რომ ის თავის თავს აძლევს უფლებას, რომ მისი ძმა გადაადგილდებოდეს სპეციალური საშვით. როდესაც ამას ხედავს ცინარიძე, შემდეგ აღარავის უნდა გაგიკვირდეთ, რომ მან ყველასთვის საამაყო პატრული, გადააქცია მთვრალი მექორწილეების და მაყრიონის გამცილებლად", - მიმართა ირმა ნადირაშვილმა საპარლამენტო უმრავლესობას.

ცნობისთვის, შს მინისტრის გადაწყვეტილებით, 2009 წლის სრულიად საიდუმლო ბრძანება და მის საფუძველზე გაცემული "საგზაო მოძრაობის წესებით გათვალისწინებული აკრძალვებისა და შეზღუდვებისაგან განთავისუფლების დამადასტურებელი საშვი“ - ე.წ. „ნარუშილოვკები“ ძალას კარგავს.

"შესაბამისად, ჩემი დავალებით, აღნიშნული საშვები მფლობელებს ჩამოერთმევა და განადგურდება", - განაცხადა გიორგი მღებრიშვილმა და აქვე დასძინა, რომ ახალი სრულიად საიდუმლო ბრძანება რამდენიმე დღეში ამოქმედდება და მოაწესრიგებს როგორც საშვების გაცემის, ისე ემათი გამოყენების კონტროლისა და საჭიროების შემთხვევაში, მათი ჩამორთმევის წესს.

"გამკაცრდება რეგულაციები და ჩამოყალიბდება ეფექტური მონიტორინგის ქმედითი სისტემა", - აღნიშნა გიორგი მღებრიშვილმა. თუმცა, მღებრიშვილმა არ უპასუხა შეკითხვას-სპეციალური საშვი ჩამოერთმევა თუ არა შინაგან საქმეთა მინისტრის მოადგილის ლევან იზორიას ძმას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს