ოპოზიცია, რომელიც ბოიკოტის და დესტრუქციის გზას ადგას, საკუთარი ამომრჩევლის წინაშე უხერხულობას უნდა გრძნობდეს, – ასე უპასუხა ეკონომიკისა და მდგრადი განვითარების მინისტრობის კანდიდატმა, ნათია თურნავამ ჟურნალისტების კითხვას, გრძნობს თუ არა დისკომფორტს, როდესაც პარლამენტში მხოლოდ უმრავლესობას ხედავს.

მანვე დასძინა, რომ დისკომფორტი და უხერხულობა არის, თუმცა ეს პირველ რიგში, იმ ოპოზიციის პასუხისმგებლობაა, რომელმაც ქუჩის პროტესტის ფორმა აირჩია.

„რა თქმა უნდა არის დისკომფორტი და უხერხულობა. პირველ რიგში, ვფიქრობ, რომ ოპოზიცია, რომელიც ბოიკოტის და დესტრუქციის გზას ადგას, უხერხულობას საკუთარი ამომრჩევლის წინაშე უნდა გრძნობდეს. ოპოზიციურად განწყობილმა ამომრჩეველმა, ვინც ხმა ოპოზიციურ პარტიებს მისცა, ეს გააკეთა იმ მიზნით, რომ დღეს მეტად უფრო კრიტიკული დისკუსია და დებატები გვქონოდა, მათ შორის, მათ რჩეულებს კითხვები დაესვათ მინისტრობის და პრემიერ-მინისტრობის კანდიდატებისთვის. აქედან გამომდინარე, რა თქმა უნდა დისკომფორტია, მაგრამ ეს პირველ რიგში, იმ ოპოზიციური პარტიების პასუხისმგებლობაა, რომლებმაც ქუჩის ფორმა არჩიეს“, – განაცხადა ნათია თურნავამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

რომელი ქვეყნების მოქალაქეები დეპორტირდნენ საქართველოდან ყველაზე ხშირად 2026 წელს?

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა