ჯანდაცვის მინისტრის მოვალეობის შემსრულებლის, ეკატერინე ტიკარაძის განცხადებით, საქართველოში ჯანდაცვის მსოფლიო ორგანიზაციის ევროპის ოფისის დირექტორის ვიზიტი დაიწყო.

როგორც მან აღნიშნა, აღნიშნული ვიზიტი მნიშვნელოვანია ქვეყნისთვის კოვიდმართვის პროგრამების, მისი შეფასებისა და შედგომი სტრატეგიული დაგეგმარების კუთხით.  

„როგორც გუშინ ჩვენი მოქალაქეებისა და მედიისთვის ცნობილი გახდა, დღეს დაიწყო საკმაოდ მნიშვნელოვანი ვიზიტი მსოფლიო ჯანდაცვის ორგანიზაციის ევროპის ოფისის დირექტორის, ჰანს კლუგეს და მსოფლიო ჯანდაცვის ორგანიზაციის ევროპის რეგიონის ქვეყნის ჯანდაცვის პროგრამების დირექტორის, ნინო ვერძულის ვიზიტი საქართველოში. ეს ვიზიტი მნიშვნელოვანია ქვეყნისთვის როგორც კოვიდმართვის პროგრამების, მისი შეფასებისა და შემდგომი სტრატეგიული დაგეგმარების კუთხით. ასევე ყველა იმ დაგეგმილი და განსახორციელებელი რეფორმების შეფასების კუთხით, რომელიც ქვეყანაშია დაგეგმილი.

ჩვენ დღეს გვქონდა საკმაოდ ხანგრძლივი შეხვედრა იმასთან დაკავშირებით, თუ როგორ მიმდინარეობდა კოვიდ პანდემიასთან ბრძოლა საქართველოში. ამასთან დაკავშირებით დეტალურად ვისაუბრეთ. ასევე, სტუმრებს საშუალება ჰქონდათ მოენახულებინათ ჯანმრთელობის სამინისტროში დაარსებული ახალი ონლაინ კლინიკა, რომელიც ჩართულია კოვიდ პანდემიასთან ბრძოლაში ოჯახის ექიმების კუთხით. ეს ვიზიტი გაგრძელდება 5 დღე და სტუმრებს საშუალება ექნებათ დაათვალიერონ როგორც კლინიკური სასტუმროები, ასევე ჰოსპიტალური სექტორი. გაეცნონ იქ მიმდინარე პროცესებს. ასევე, დეტალურად შეისწავლონ პირველადი ჯანდაცვის კომპონენტი, თუ როგორ არის კოვიდმართვაში ჩართული. ეს ვიზიტი მნიშვნელოვანია ვაქცინაციის კომპონენტის გაძლიერებისა და კომუნიკაციის დაგეგმვის კუთხით“, - განაცხადა ეკატერინე ტიკარაძემ.

ავტორი: ექსპრესნიუსი,

სოციალური ქსელები

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა

მოსკოვის ცენტრში 100-ზე მეტი ადამიანი დააკავეს; ზოგიერთს სამხედრო რეგისტრაციისა და გაწვევის ოფისში უწყება გადაეცა