2020-12-16 09:26:33, 1214 ნახვა

---

დონალდ ტრამპი, მაიკ პენსი და ენტონი ფაუჩი კორონავირუსის საწინააღმდეგო ვაქცინის გასაკეთებლად ემზადებიან

დონალდ ტრამპი, მაიკ პენსი და ენტონი ფაუჩი კომპანია „ფაიზერისა“ და „ბიოენტექის“  მიერ შექმნილი კორონავირუსის საწინააღმდეგო ვაქცინის გასაკეთებლად ემზადებიან, - აღნიშნულ ინფორმაციას CNN ავრცელებს.

უცხოური მედიის ინფორმაციით, აშშ-ის ვიცე-პრეზიდენტი მაიკ პენსი ვაქცინას კამერების წინ, სავარაუდოდ პარასკევს გაიკეთებს.

ასევე, CNN წერს, რომ ვაქცინის გასაკეთებლად ემზადება ქვეყნის მთავარი ინფექციონისტი, ენტონი ფაუჩიც.

რაც შეეხება ამერიკის შეერთებული შტატების მოქმედ პრეზიდენტს, თეთრი სახლის პრესმდივანის განცხადებით, დონალდ ტრამპი ვაქცინის გასაკეთებლად ემზადება და მიზეზი, რის გამოც ამ დრომდე არ ჩაუტარებია ვაცქინაცია არის ის, რომ ხელისუფლება ცდილობს, კოვიდ19-ის საწინააღმდეგო ვაქცინაცია რისკ ჯგუფებში ჩაატაროს.

 

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი