2020-12-11 11:36:00, 609 ნახვა
პოლიტიკა
მამუკა მდინარაძე - ნამდვილად არ ვაპირებ გაყალბებული არჩევნების შესახებ ბრალდება შევირჩინოთ
„ნამდვილად არ ვაპირებ გაყალბებული არჩევნების შესახებ ბრალდება შევირჩინოთ“, - ამის შესახებ „ქართული ოცნების“ ლიდერმა, მამუკა მდინარაძემ განაცხადა.
მანვე აღნიშნა, რომ თუ ოპოზიცია დაამტკიცებ, რომ არჩევნები ერთი პროცენტით მაინც გაყალბდა, რიგგარეშე არჩევნებს დანიშნავენ.
„საგამოძიებო კომისიის ფარგლებში ისინი თუ შეძლებენ იმის დამტკიცებას რომ არჩევნები გაყალბდა, მაშინ იქნება რიგგარეშე არჩევნები, მაგრამ მე პირადად დარწმუნებული ვარ, რომ ამას ვერავინ შეძლებს და ნამდვილად არ ვაპირებ შევირჩინოთ ბრალდება გაყალბებული არჩევნების შესახებ. ამიტომ შემობრძანდნენ, ჩაერთონ კომისიის მუშაობაში, გამოიძიონ, ნახონ მტკიცებულებები, თუკი ბუნებაში ასეთი არსებობს და ერთპროცენტიანი გადახრის შემთხვევაში ჩვენ ყველაფრისთვის მზად ვართ“, - განაცხადა მდინარაძემ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
