2020-12-10 18:23:34, 714 ნახვა
პოლიტიკა
ირაკლი კობახიძე - პარლამენტში ოპოზიციონერი დეპუტატები სათანადო რაოდენობით იქნებიან წარმოდგენილნი
„ქართული ოცნების“ ლიდერმა, ირაკლი კობახიძემ განაცხადა, რომ პარლამენტში ოპოზიციის წევრები აუცილებლად იქნებიან სათანადო რაოდენობით წარმოდგენილნი.
კობახიძეს უჭირს პროგნოზის გაკეთება იმასთან დაკავშირებით, თუ რა შემადგენლობით იქნება ხვალ წარდგენილი პარლამენტის სხდომათა დარბაზი.
„გამიჭირდება პროგნოზის გაკეთება რა შემადგენლობით წარიმართება ხვალინდელი სხდომა. ჩვენი დეპუტატები იქნებიან უკლებრივ წარმოდგენილი დარბაზში. რაც შეეხება პროცესს, ამაზე შემიძლია განცხადება გავაკეთო, პროცესი გრძელდება და ამ პროცესის საფუძველზე ოპოზიციონერი დეპუტატები აუცილებლად იქნებიან სათანადო რაოდენობით წარმოდგენილი საქართველოს პარლამენტში“, - განაცხადა კობახიძემ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
