ახალი არჩევნების გარეშე პარლამენტში შესვლა „ქართული ოცნების“ პოლიტიკური კრიზისიდან გამოყვანას ემსახურება, - ამის შესახებ „ევროპული საქართველოს“ ლიდერმა, დავით ბაქრაძემ განაცხადა.

მისი თქმით, რიგგარეშე არჩევნებისა და პოლიტიკური პატიმრების გათავისუფლების გარეშე, საარჩევნო კოდექსის ცვლილებას არ განიხილავენ.

„მე შემიძლია გითხრათ „ევროპული საქართველოს“ სახელით, იმ პირობებში, როცა გუშინდელი რაუნდის შემდეგაც კი „ქართული ოცნება“ საუბრობდა რომ ისინი არ მოდიან რიგგარეშე არჩევნებსა და პოლიტიკური პატიმრების გათავისუფლებაზე, ვერანაირი ცვლილება საარჩევნო კოდექსში ჩვენგან ვერ იქნება განხილული, როგორც საკმარისი პირობა პოზიციის შესაცვლელად და პარლამენტში შესასვლელად. ამიტომ ჩვენ არ შევდივართ პარლამენტში და დიდი იმედი მაქვს რომ ყველა ოპოზიციური პარტია საკუთარი პოზიციის ერთგული დარჩება. არჩევნების გარეშე პარლამენტში შესვლა ემსახურება მხოლოდ გაყალბებული არჩევნების ლეგიტიმაციას, ემსახურება „ქართული ოცნების“ გამოყვანას იმ ძალიან მძიმე პოლიტიკური კრიზისიდან, რომელიც ხელისუფლებამ თავისი თავი შეიყვანა არჩევნები გაყალბებით“, - განაცხადა დავით ბაქრაძემ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ჩინეთის ვიცე-პრეზიდენტი - ჩინური წარმოების პროდუქცია, განსაკუთრებით ავტომობილები, საქართველოს მოსახლეობაში დიდი პოპულარობით სარგებლობს

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა

მოსკოვის ცენტრში 100-ზე მეტი ადამიანი დააკავეს; ზოგიერთს სამხედრო რეგისტრაციისა და გაწვევის ოფისში უწყება გადაეცა