2020-12-04 00:41:01, 560 ნახვა
საზოგადოება
სამეგრელოში, სასწრაფო მანქანა, რომელსაც დაშავებული გადაჰყავდა, ავარიაში მოყვა
სამეგრელოში, ჩხოროწყუ-მუხურის გზაზე სასწრაფო სამედიცინო დახმარების მანქანა, რომელსაც ავტოსაგზაო შემთხვევაში დაშავებული გადაჰყავადა, თავადაც ავარიაში მოყვა.
არსებული ინფორმაციით, სასწრაფოს მანქანა საპირისპირო მიმართულებით მოძრავ ავტომობილს შეეჯახა.
შემთხვევის შედეგად დაშავდა 4 ადამიანი. ისინი კლინიკაში არიან გადაყვანილნი.
შინაგან საქმეთა სამინისტრომ ფაქტზე გამოძიება სისხლის სამართლის კოდექსის 276-ე მუხლის მე-2 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
