საქართველოს ვიცე-პრემიერი, საგრეო საქმეთა მინისტრი, გიორგი კვირიკაშვილი გაერო-ს გენერალური ასამბლეის 70-ე სესიის ფარგლებში ორმხრივ შეხვედრებს მართვას.

საგარეო უწყების იფნორმაციით, მინისტრი პირველ სამუშაო დღეს პორტუგალიის, ყირგიზეთის, განას, ნიგერიის, სიერა-ლეონის საგარეო საქმეთა მინისტრებს შეხვდა. ხელი მოეწერა განასა და საქართველოს საგარეო საქმეთა სამინისტროებს შორის თანამშრომლობის მემორანდუმს.

პორტუგალიელ კოლეგასთან შეხვდრაზე მიმოიხილეს საქართველოსა და პორტუგალიის თანამშრომლობის მნიშვნელოვანი საკითხები. მინისტრმა მადლობა გადაუხადა პორტუგალიურ მხარეს საქართველოს სუვერენიტეტისა და ტერიტორიული მთლიანობისა და ქვეყნის ევროპული და ევრო-ატლანტიკური ინტეგრაციის მხარდაჭერისთვის.

საქართველოს საგარეო უწყების ხელმძღვანელი ასევე შეხვდა ყირგიზ კოლეგას ერლან აბდულდაიევს. შეხვედრისას აღინიშნა ორ ქვეყანას შორის ტრადიციულად არსებული მეგობრული ურთიერთობა. მინისტრებმა გაცვალეს მოსაზრებები საქართველოსა და ყირგიზეთს შორის ეკონომიკური თანამშრომლობის შემდგომი გაღრმავების შესაძლებლობებზე.

2014 წლის 25 სექტემბერს შეხვედრა გაიმართა ასევე ევროპისათვის გაეროს ეკონომიკური კომისიის (UNECE) აღმასრულებელ დირექტორთან კრისტიან ბახთან. დაისახა ორგანიზაციასა და საქართველოს შორის თანამშრომლობის ინტენსიფიკაციის გზები. მინისტრი ასევე შეხვდა გაერო-ს გენერალური მდივნის მოადგილეს ჯეფრი ფელტმანს. შეხვედრაზე ისაუბრეს საქართველოსა და გაეროს შორის თანამშრომლობის საკითხებზე, გაერთიანებული ერების ორგანიზაციის ფარგლებში საქართველოს პრიორიტეტებზე. განხილული იქნა საქართველოს ოკუპირებულ ტერიტორიებზე არსებული მდგომარეობა და ჟენევის საერთაშორისო მოლაპარაკებების მიმდინარეობა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს