მთავრობა ქვეყანაში შექმნილი ეპიდსიტუაციიდან გამომდინარე ახალი შეზღუდვების შემოღებასა და არსებული შეზღუდვების გამკაცრებაზე, ამ წუთებში მსჯელობს.

„ექსპრესნიუსისთვის“ რეგულაციების სამუშაო ვარიანტი გახდა ცნობილი, რომლებიც 28 ნოემბრიდან ამოქმედდება და 2 თვით გაგრძელდება.

გადაადგილების შეზღუდვა, ე.წ კომენდატი საათი 22:00 საათის ნაცვლად, 21:00 საათიდან დაიწყება და დილის 05:00 საათამდე გაგრძელდება.

28 ნოემბრიდან 23 დეკემბრის ჩათვლით, მუნიციპალური ტრანსპორტი, ასევე საქალაქთაშორისო ტრანსპორტი მუშაობას შეაჩერებს.

ამასთანავე, 28 ნოემბრიდან 23 დეკემბრის ჩათვლით, სავაჭრო ობიექტები (გარდა სურსათის, ცხოველების საკვების, აფთიაქების, სადეზინფექციო ნაწარმის მაღაზიებისა) დისტანციურ რეჟიმში გააგრძელებ მუშაობას. ამასთანავე, ბაზრობები გადავლენ მუშაობის დისტანციურ რეჟიმზე, სპორტდარბაზები და საცურაო აუზები კი, შეაჩერებენ მუშაობას.

აღნიშნული შეზღუდვები შემსუბუქდება 24 დეკემბრიდან 2 იანვრის ჩათვლით, კერძოდ, დაწესებული გადაადგილების შეზღუდვა 31 დეკემბრის 21:00 საათიდან 1 იანვრის დილის 05:00 საათამდე არ იმოქმედებს, თუმცა რესტორნები გატანის სერვისით იმუშავებენ. რაც შეეხება ღია და დახურულ ბაზრობებს, ასევე სავაჭრო ობიექტებს მუშაობა წესების დაცვით მოუწევთ.

24 დეკემბრიდან 3 იანვრმდე მუნიციპალური და საქალაქთაშორისო ტრანპოსრტი მგზავრთა რაოდენობის შეზღუდვით იმოძრავებს.

„ექსპრესნიუსის“ ინფორმაციით, აღნიშნული შეზღუდვები ზამთრის კურორტებსაც შეეხება, კერძოდ, გუდაურს, ბაკურიანს, აჭარას, გურიას, ყაზბეგს, სვანეთსა და აბასთუმანს. 

აღნიშნულ კურორტებზე შეჩერდება საბაგიროების მუშაობა, იმუშავებენ მხოლოდ ისეთი სასტუმროები, რომლებიც კოვიდცენტრებად არიან გადაკეთებულნი, რესტორნები, სავაჭრო და კვების ობიექტები კი, მუშაობის დისტანციურ რეჟიმზე გადავლენ.

„ექსპრესნიუსის“ ინფორმაციით, აღნიშნული შეზღუდვები 28 ნოემბრიდან ამოქმედდება.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ფრანგმა პროკურორებმა ილონ მასკის წინააღმდეგ სისხლის სამართლის გამოძიება დაიწყეს.

ირანი გეგმავს, რომ მსოფლიოს უმსხვილესი IT კომპანიებისგან ჰორმუზის სრუტეში კაბელების გაყვანისთვის გადასახადი დააწესოს

CNN: პენტაგონი ირანზე ახალი დარტყმებისთვის სამიზნეების სიას ამზადებს

უკრაინამ ომის განმავლობაში მოსკოვის ოლქზე ყველაზე მასშტაბური თავდასხმის დროს ენერგეტიკული ობიექტები, თავდაცვის ინდუსტრიის საწარმო და შერემეტიევოს აეროპორტი დაბომბა