დეპუტატი ზაქარია ქუცნაშვილის მტკიცებით, თუ 800-მდე მაღალი თანამდებობის პირებისთვის პრემიების გაცემა შეიზღუდება, ბიუჯეტიდან 4 მილიონ ნახევარი ლარი დაიზოგება.

ამის შესახებ მან საპროცედურო საკითხთა კომიტეტის სხდომაზე განაცხადა, სადაც მის მიერ ინიცირებულ „საჯარო სამსახურის შესახებ“ კანონპროექტს განიხილავდნენ.

დეპუტატის შეფასებით, სახელმწიფო პოლიტიკური თანამდებობის პირებს კარგი მუშაობის გამო პრემიის მოლოდინი არ უნდა ქონდეთ.

„ყველა მივიდა იმ დასკვნამდე, ვინც ქვეყანაზე და მომავალზე ფიქრობს, რომ სახელმწიფო პოლიტიკური თანამდებობის პირებს, კარგი მუშაობის გამო, არ შეიძლება პრემიის მოლოდინი ქონდეთ. ისინი ხალხმა აირჩია და ვალდებულები არიან კარგად იმუშაონ. სახელმწიფო პოლიტიკური თანამდებობის პირების გარდა, ქვეყანაში ჩვენ გვყავს საშუალო და დაბალი რანგის თანამდებობის პირები, რომელთა ბეჯით მუშაობაზე დიდწილად დამოკიდებულია ჩვენი საჯარო სამსახურის გამართული მუშაობა. რა თქმა უნდა ინიციატივა შეეხო მხოლოდ მაღალი თანამდებობის პირებს და არც ერთ საშუალო და დაბალი რანგის თანამდებობის პირს“, - აღნიშნა ქუცნაშვილმა.

ქუცნაშვილის თქმით, პრემიების შეზრუდვის შესახებ პროექტის ძალაში შესვლის შემთხვევაში 4 მილიონ ნახევარი დაიზოგება, მთავრობას კი, კანონით უფლება აქვს ეს თანხა უფრო მოწყვლადი ჯგუფებისთვის გამოიყენოს. ქუცნაშვილი ასევე გამოვიდა ინიციატივით, რომ 2016 წლის სახელმწიფო ბიუჯეტის დამტკიცებისას, ცალკე მუხლად გაიარონ პრემიების და დანამატების მუხლი.

„შესაბამისად, თუ პრემიების მუხლში მაღალი რანგის თანამდებობის პირებს აღარ შევიყვანთ, თავისთავად შეზღუდვის აუცილებლობა სამართლებრივად ისპობა“, - განაცხადა ზაქარია ქუცნაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს