ზუგდიდის გამგეობაში სოციალურ საკითხებზე მომუშავე კომისიის სხდომა გაიმართა

2015-09-24 09:34:48, 569 ნახვა

საზოგადოება

ზუგდიდის მუნიციპალიტეტის გამგეობაში სოციალურ საკითხებზე მომუშავე კომისიის მორიგი სხდომა ჩატარდა.
ზუგდიდის მუნიციპალიტეტის გამგეობის ინფორმაციით, სოციალურ საკითხებზე მომუშავე კომისიის სხდომაზე განხილულ იქნა 42 მოქალაქის განცხადება. განმცხადებლის უმრავლესობა სამასალე მერქანის მოთხოვნას ეხებოდა. რამდენიმე ბენეფიციარი მომვლელთა პროგრამაში ჩასმას და ქირის გადახდას ითხოვდა, რომელთა საკითხი დადებითად გადაწყდა.

მათივე ინფორმაციით, ხუთ მოქალაქეს, რომელიც მშენებლობის თანხას ითხოვდა განემარტა, რომ აღნიშნული განცხადება ამ ეტპაზე ვერ დაკმაყოფილდება, რადგან ზუგდიდის მუნიციპალიტეტის გამგეობას არ აქვს შესაბამისი პროგრამა, თუმცა მათ მიეცემათ შესაძლებლობა მომავალი წლიდან წარმოადგინონ ახალი განაცხადი და ჩაერთონ სოციალურად მძიმე საყოფაცხოვრებო პირობების მქონე ოჯახთათვის საცხოვრებელის სახლების აშენების პროექტში.

სხდომას მუნიციპალიტეტის გამგებლის მოადგილე და კომისიის თავმჯდომარე გიზო სართანია უძღვებოდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან