" იმ თანამშრომლების ადგილი, რომლებიც არ დადიოდნენ სამსახურში და არაჯეროვნად ასრულებდნენ თავიანთ მოვალეობას, მერიაში არ არის",-ასე გამოეხმაურა თბილისის მერი დავით ნარმანია სასამართლოს მიერ გამართლებული  მერიის  თანამშრომლების, სამსახურში აღდგენის მოთხოვნას.

როგორც ნარმანიამ განმარტა, მერია პირველი ინსტანციის სასამართლოს გადაწყვეტილებას, ზემდგომ ინსტანციაში გაასაჩივრებს.

"მერია არაფერს არ აპირებს გარდა იმისა, რომ მეორე  ინსტანციაში გასაჩივრდება პირველი ინსტანციის მიერ მიღებული გადაწყვეტილება.თანამშრომლები, რომლებიც არ დადიოდნენ სამსახურში, თანამშრომლები, რომლებიც არაჯეროვნად ასრულდებდნენ თავიანთ მოვალეობას, ასეთი ადამიანების ადგილი მერიაში არ არის",-განაცხადა დავით ნარმანიამ.

შეგახსენებთ, სასამართლომ  თბილისის მერიასა და ყოფილ თანამშრომლებს-გირშელ ბართაიას, ლევან ხაბეიშვილსა და ნინო ქაცარავას შორის დავა, ამ უკანასკნელების სასარგებლოდ გადაწყვიტა. 
თბილისის მერიას მათი  სამსახურში დაუყოვნებლივ აღდგენა და 3 თვის სახელფასო განაცდურის ანაზღაურება დაევალა.

ცნობისთვის,  გირშელ ბართაია, ლევან ხაბეიშვილი  და ნინო ქაცარავა   დავით ნარმანიას ბრძანებით გაათავისუფლეს.  მერიის თანამშრომლების  მტკიცებით,  დაკავებული თანამდებობებიდან  უკანონოდ გათავისუფლდნენ  და მათ ნაცვლად უწყებაში ახალი ხელმძღვანელობის  ნათესავები დაასაქმეს,  რომლებსაც  არანაირი გამოცდილება არ ჰქონიათ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება

ზელენსკიმ აშშ-სა და რუსეთს შორის შესაძლო დაახლოებას „ისტორიული შეცდომა“ უწოდა