საქართველოს საგარეო საქმეთა მინისტრის მოადგილე დავით დონდუა ევროპის საბჭოს პოლიტიკური დეპარტამენტის დირექტორის მოადგილეს დანიილ ხოშაბოს, ამავე დეპარტამენტის მრჩეველს ბატონ მარსელ კაპს და საქართველოში ევროპის საბჭოს ოფისის ხელმძღვანელს ბატონ კრისტიან ურსეს შეხვდა.

საგარეო უწყების ინფორმაციით, ევროპის საბჭოს დელეგაციის საქართველოში ვიზიტის მიზანს წარმოადგენს ევროპის საბჭოს გენერალური მდივნის მე-12 კონსოლიდირებული ანგარიშის - „კონფლიქტი საქართველოში“ მომზადება.

შეხვედრაზე მხარეებმა ისაუბრეს საქართველოს ოკუპირებულ ტერიტორიებზე არსებული ვითარების შესახებ, კერძოდ მოსკოვის მიერ სოხუმისა და ცხინვალის საოკუპაციო რეჟიმებთან ე.წ. „ხელშეკრულების“ გაფორმებისა და საოკუპაციო ხაზის გასწვრივ ე.წ. „საზღვრის“ აღმნიშვნელი ბანერების დამონტაჟების თაობაზე, აგრეთვე იქ არსებულ მძიმე ჰუმანიტარულ მდგომარეობაზე.

ამასთანავე საუბარი შეეხო 2015 წლის 12 მაისს,  ევროპის საბჭოს მინისტრთა მოადგილეების კომიტეტის 1227-ე სხდომაზე მიღებულ გადაწყვეტილებას, სადაც კომიტეტი მოუწიდებს რუსეთის ფედერაციას უზრუნველყოს ევროპის საბჭოს ორგანოების შეუზღუდავი შესვლა საქართველოს კონფლიქტით დაზარალებულ ტერიტორიებზე.

მხარეებმა ასევე ისაუბრეს ევროპის საბჭოს ნდობის აღდგენის მექანიზმების მნიშვნელობაზე  და ჟენევის მოლაპარაკებათა ფორმატში განხილულ საკითხებზე.

შეხვედრის დასასრულს ბატონმა დავით დონდუამ სტუმრებს საგარეო საქმეთა სამინისტროს მიერ მომზადებული კვარტალური ანგარიში (2015 წლის აპრილი-ივნისი)  „ადამიანის უფლებების დაცვა საქართველოს ოკუპირებულ ტერიტორიებზე“ გადასცა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს