საქართველო პრეზიდენტის მრჩეველი ეკონომიკურ საკითხებში გიორგი აბაშიშვილი საქართველოს მთავრობას, ეროვნულ ბანკს და საფინანსო ზედამხედველობის სააგენტოს კოორდინირებული მუშაობისკენ მოუწოდებს.

როგორც აბაშიშვილმა დღევანდელ პრესკონფერენციაზე განაცხადა, ვალუტის კურსიდან გამომდინარე აღნიშნული ინსტიტუტების კოორდინირებული მუშაობა საზოგადობის შემდგომი დანაკარგების თავიდან ასაცილებლად მნიშვნელოვანია.

„საქართველოს პრეზიდენტმა, საერთაშორისო საფინანსო ინსტიტუტებმა გააკეთეს მაქსიმუმი, რათა კონსტიტუციური ინსტიტუტი-ეროვნული ბანკის დასუსტება და დანაწევრება არ მომხდარიყო. ვინაიდან, აღნიშნული მცდარი გადაწყვეტილება მიღებულია, საჭიროა საქართველოს მთავრობის, საქართველოს ეროვნული ბანკისა და ახლადშექმნილი საფინანსო ზედამხედველობის სააგენტოს კოორდინირებული მუშაობა, რათა საზოგადოებამ თავიდან აიცილოს ვალუტის კურსიდან გამომდინარე შემდგომი დანაკარგები. საგულისხმოა, რომ ვეტოს დაძლევის შემდეგ, სულ უფრო ხშირად ისმის განცხადებები მმართველი გუნდის, მაღალი თანამდებობის პირების მხრიდან, რომ ზედამხედველობის სააგენტოს ეროვნული ბანკიდან გამოყოფის საკითხზე მიღებული გადაწყვეტილება არასწორია. ნათელია, რომ მიღებულ კანონთან და ვეტოსთან დაკავშირებით დარჩა ერთადერთი მოტივი, რაც პრეზიდენტთან დაკავშირებული კონსტიტუციური ინსტიტუტების ფუნქციების შესუსტებას უკავშირდება. სამწუხაროა, რომ ეს ყველაფერი კეთდება ქვეყნის მაკროეკონომიკური სტაბილურობის რისკის ქვეშ დაყენების ხარჯზე. მიუხედავად არსებული შეცდომებისა, პირველ რიგში სავალდებულოა გათვალისწინებული იქნას მოსახლეობის ეკონომიკური მდგომარეობა. კიდევ ერთხელ მოვუწოდებ შესაბამის ინსტიტუტებს, კოორდინირებული მუშაობისა და საზოგადოების ინფორმააციის მიწოდებისაკენ“,-განაცხადა გიორგი აბაშიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს