ჯანდაცვის მინისტრის, ეკატერინე ტიკარაძის განცხადებით, ცხელ ხაზთან დაკავშირებით 40%-იანი ჩამორჩენაა, რის გამოც უკვე მოხდა დამატებითი საკადრო რესურსის შერჩევა.

ამასთან, როგორც მინისტრმა აღნიშნა, ამ კვირაშივე მოხდება ეპიდემიოლოგიური სამსახურის კუთხით არსებული ცხელი ხაზის გაძლიერება.

„მნიშვნელოვანია ის ფაქტიც, რომ ცხელ ხაზთან დაკავშირებით ჯანდაცვის სამინისტროს ბაზაზე, 1505-ზე უკვე მოხდა საშტატო შერჩევა და მათი დამატება მოხდება ამ კვირაში. დღესდღეობით ჩვენ გვაქვს 40%-იანი ჩამორჩენა, რასაც ვთვლით, რომ გაუმკლავდება ის საკადრო რესურსი, რომლის მობილიზებაც მოხდა და შემდგომშიც რა თქმა უნდა, გავაძლიერებთ ამ სერვისს. ასევე ამ კვირაშივე მოხდება ეპიდემიოლოგიური სამსახურის კუთხით არსებული ცხელი ხაზის გაძლიერება. აქაც ვეცდებით, ჩვენი მოქალაქეებისთვის არ იყოს შეფარხება და გვქონდეს დროული ზარები.

რაც შეეხება ოჯახის ექიმებთან დაკავშირებულ პრობლემებს, რომელიც არაერთი ფიქსირდება, ჩვენ გვყავდა ჩართული 25 კლინიკა, რომლის გაზრდა მოხდა 66 კლინიკამდე. აქედან გამომდინარე, ჩვენ მივდივართ პრინციპით, რომ ოჯახის ექიმები თავიანთი უბნის მიხედვით იქნებიან კავშირზე პაციენტებთან. ჩვენ გვაქვს იმის საშუალება, რომ ამ ფილტრით მოხდეს პაციენტების გადამისამართება, რაც მეტად უფრო მოქნილს გახდის ყოველივეს. შესაბამისად, ზარების გადანაწილება ექიმებზე არ იქნება დიდი რაოდენობის და თითოეულ ექიმს ეყოლება მონიტორინგზე 3-დან 5 პაციენტამდე“, - განაცხადა ტიკარაძემ.

ავტორი: ექსპრესნიუსი,

სოციალური ქსელები

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია

საერთაშორისო განათლების ახალი შესაძლებლობები - საქართველოს ბანკისა და LEAF-ის ახალი პარტნიორობა

მაუწყებლებს, რომლებსაც საინფორმაციო გამოშვება არ აქვთ, უცხოური დაფინანსების მიღება აღარ აეკრძალებათ