ალექსეევკის შერეულ საავიაციო ბაზაზე ქართული სამხედრო-საჰაერო ძალების 23 წლის იუბილე აღინიშნა.

 ქართველ სამხედრო მფრინავებს პროფესიული დღე საქართველოს შეიარაღებული ძალების გაერთიანებული შტაბის უფროსმა, გენერალ-მაიორმა ვახტანგ კაპანაძემ, ავიაციისა და საჰაერო სარდლის მოვალეობის შემსრულებელმა, პოლკოვნიკმა დავით აბრამიშვილმა და შეიარაღებული ძალების წარმომადგენლებმა მიულოცეს.

„ავიაციის განვითარების გარეშე თანამედროვე შეიარაღებული ძალების ჩამოყალიბება და განვითარება წარმოუდგენელია. ჩვენ გვაქვს ნათელი ხედვა, თუ საითკენ და როგორ მივდივართ. საჰაერო ძალების განვითარება გულიდან და გონებიდან იწყება. საჰაერო ძალებში ამაღლებული განწყობაა, ძალიან მოტივირებული არიან. იმედი გვაქვს, რომ დასახულ მიზანს წარმატებით განვახორციელებთ“, - აღნიშნა შეიარაღებული ძალების გაერთიანებული შტაბის უფროსმა, გენერალ-მაიორმა ვახტანგ კაპანაძემ.

ავიაციის დღესთან დაკავშირებით სამხედრო მფრინავთა ოჯახის წევრებისთვის ღია კარის დღე მოეწყო. ალექსეევკის შერეული საავიაციო ბაზის სამწყობრო მოედანზე მოწვეული სტუმრებისთვის სამხედრო-საჰაერო ტექნიკა გამოიფინა.

„ალექსანდრე ქართველის საერთაშორისო საზოგადოების“ დამფუძნებელმა ლელა ქართველიშვილმა, საზოგადოების სახელით, ავიაციასა და საჰაერო სარდლობას მადლობის სიგელი გადასცა.

1992 წლის 19 სექტემბერს სუ-25 ტიპის თვითმფრინავით პირველი გაფრენა შედგა, რომელიც პოლკოვნიკმა იზანი ცერცვაძემ და ავიაციის გენერალ-მაიორმა ვალერი ნაყოფიამ განახორციელეს. ქართული ავიაციის დღე, სწორედ, ამ დღიდან აღინიშნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება