თბილისის საქალაქო სასამართლოს ეზოში „ნაციონალური მოძრაობის“ წარმომადგენლები და გიგი უგულავას მხარდამჭერები არიან შეკრებილები. 

ამ წუთებში პარტიის ლიდერები ეზოში განცხადებებს აკეთებენ და ხალხს მოუწოდებენ, უგულავას მიმართ განაჩენის გამოტანამდე ტერიტორია არ დატოვონ. 
საქალაქო სასამართლოს ტერიტორია გიგი უგულავამ უკვე დატოვა, თუმცა, როგორც „ნაციონალური მოძრაობის“ წევრმა  გიგა ბოკერიამ განაცხადა, უგულავა დაბრუნდება და შეკრებილ საზოგადოებას განაჩენის გამოტანამდე მიმართავს. 
„გუშინდელი ისტერიკის შემდეგ, გაასმაგებული ზეწოლა იყო მოსამართლეზე, რომელსაც ვიცით, რომ პრობლემები აქვს. გუშინდელი გამარჯვება შეეხო ყველას, ამ გამარჯვებას საქართველოს ვერავინ წაართმევს. ის, რაც დღეს აქ მოხდა, ეს ჩვენთვის არაფერს ცვლის. ბიძინა ივანიშვილი თავის მიზანს ვერასდროს მიაღწევს. დღეს, როცა გადაწყვეტილება გამოცხადდება, ჩვენ ყველანი მივმართავთ იმ კაცს, რომელმაც ქვეყანა ჩიხში შეიყვანა. ვიწყებთ იმ ბრძოლას, რომელიც ხელისუფლებიდან ივანიშვილის მშვიდობიანი ჩამოშორებით დასრულდება“, – აღნიშნა ბოკერიამ.
ცნობისთვის,  „თბილსერვის“ ჯგუფისა და რიყის ტერიტორიის გასხვისების საქმეზე მოსამართლე ლაშა ჩხიკვაძე შემაჯამებელი გადაწყვეტილების მისაღებად  სათათბიროდ გავიდა.
თუმცა, მოსამართლეს არ დაუკონკრეტებია,  რამდენ ხანში გამოიტანს განაჩენს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს