„კანონით, რომელიც მივიღეთ მამათმავლობა არ დაგვიკანონებია“,– ასე გამოეხმაურა პარლამენტის ადამიანის უფლებათა დაცვის კომიტეტის თავჯდომარე ეკა ბესელია დეპუტატ სოსო ჯაჭვლიანის განცხადებას ანტიდისკრიმინაციულ კანონთან დაკავშირებით. 

აქვე, ბესელია პრემიერ–მინისტრის ირაკლი ღარიბაშვილის ინიციატივას, რომ კონსტიტუციაში ოჯახი ჩაიწეროს, როგორც ქალისა და მამაკაცის თანაცხოვრება,  მხარს უჭერს. 

„ჩემს მეგობარ სოსოს მინდა ვუთხრა, რა თქმა უნდა ის ინიციატივა, რომელიც პრემიერმა გაახმოვანა, მიმაჩნია არის უაღრესად მნიშვნელოვანი  და მეც დავუჭერ მას მხარს. მაგრამ ჩვენ,  იმ კანონით, რომელიც პარლამენტში მივიღეთ, არ დაგვიკანონებია მამათმავლობა, ეს არის ძალიან მგრძნობიარე თემა და ეს ძალიან მკაფიოდ უნდა ითქვას“, – აღნიშნა ბესელია. 

ცნობისთვის, სოსო ჯაჭვლიანმა პლენარულ სხდომაზე სინანული გამოთქვა იმასთან დაკავშრებით, რომ პალრმანეტმა ანტიდისკრიმინაციული კანონის დამტკიცებით „მამათმავლობას“ უყარა კენჭი. 

ჯაჭვლიანი გამოვიდა ინიციატივით,  რომ ანტიდისკრიმინაციულ კანონში ცვლილება შევიდეს და ამოღებული იქნას ტერმინები „გენდერული იდენტობა“ და „სექსუალური ორიენტაცია“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს