საქართველოს თავდაცვის მინისტრი თინათინ ხიდაშელი ლიტვის საგარეო საქმეთა მინისტრს, ლინას ლინკევიჩიუს შეხვდა.

თავდაცვის სამინისტროს ინფორმაციით, შეხვედრის დასრულების შემდეგ ხიდაშელმა განმარტა, რომ ლიტვის რესპუბლიკის საგარეო საქმეთა მინისტრი ზედმიწევნით ზუსტად ხედავს იმ საფრთხეებსა და გამოწვევებს, რომლებიც საქართველოს და ზოგადად, ევროპის უსაფრთხოების არქიტექტურის წინაშე დგას.

„ლიტვის საგარეო საქმეთა მინისტრი საქართველოს მრავალი წლის მეგობარია. ლინას ლინკევიჩიუსმა  მთელი შეხვედრის განმავლობაში ისაუბრა პირველი პირის  მრავლობით რიცხვში. „ჩვენ“ - ასე ამბობდა საქართველოსთან დაკავშირებულ ყველა საკითხზე. შეუძლებელია, შეხვედრიდან ამაზე მნიშვნელოვანი რამე წამოიღო. როდესაც ადამიანი ბუნებრივად საუბრობს შენს ქვეყანაზე და საუბრობს პირველ პირში. სწორედ, ეს არის მეგობრობა და ის, რაც სჭირდება დღეს საქართველოს“,- განაცხადა თინათინ ხიდაშელმა.

„ძალიან მნიშვნელოვანი შეხვედრა გვქონდა. ქართულ მხარესთან ძალიან მჭიდრო კავშირი მაქვს. წელს საქართველოს ორჯერ ვესტუმრე - ბათუმში კონფერენციას დავესწარი და თბილისში ქვეყნის მმართველობას შევხვდი. ჩვენ მუდმივი, რეგულარული ურთიერთობა გვაქვს და ზოგად თემებზე ვსაუბრობთ. ლიტვა მტკიცედ უჭერს მხარს საქართველოს ევროპულ და ევროატლანტიკურ მისწრაფებას. ევროკავშირთან დაკავშირებით ხმამაღლა შემიძლია განვაცხადო, რომ საქართველომ ძალიან მნიშვნელოვან პროგრესს მიაღწია ვიზალიბერალიზაციის კუთხით. მჯერა, რომ საქართველო ამ მიმართულებით მნიშვნელოვან ნაბიჯებს გადადგამს. ახლოვდება ნატოს ვარშავის სამიტი. საქართველოს აქვს ბევრი ბერკეტი, რათა გახდეს ნატოს წევრი. მაგრამ საჭიროა ბევრი მუშაობა. როდესაც ეს დრო მოვა, თუმცა რთულია ზუსტი თარიღის განსაზღვრა. საქართველომ არ უნდა დაკარგოს დრო და იმავე ტემპით და შემართებით განაგრძოს ნატოსკენ სწრაფვა, გამოიყენოს მის ხელთ არსებული ყველა ბერკეტი. ჩვენ კი შეძლებისდაგვარად დაგეხმარებით. მოვა დრო, როცა საქართველო ნატოს ოჯახის წევრი გახდება და ეს ჩვენი საერთო ამოცანაა“, - აღნიშნა ლინას ლინკევიჩიუსმა.

საქართველოს თავდაცვის მინისტრის განცხადებით ქართული მხარე თავდაცვისუნარიანობის გაძლიერების კუთხით ყველაფერს აკეთებს და მნიშვნელოვანია, რომ ოფიციალური თბილისის მონდომებას, მიღწეულ შედეგებს და საერთაშორისო არენაზე არსებულ რთულ პოლიტიკურ რეალიებს, არა მხოლოდ პოლონეთსა და ბალტიისპირეთში, არამედ, ევროპის ყველა დედაქალაქში აცნობიერებდნენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს