ხობის VII საერთაშორისო ფესტივალის „სიმღერა სამეგრელოზე“ მოსამზადებელი საორგანიზაციო სამუშაოებისთვის სამეგრელო-ზემო სვანეთის მხარეში სახელმწიფო რწმუნებულის - გუბერნატორის ადმინისტრაციაში თათბირი გაიმართა, რომელსაც მხარის გუბერნატორი ლევან შონია გაუძღვა.

თათბირს რეგიონში შემავალი მუნიციპალიტეტების გამგებლები, მერები, საკრებულოს თავმჯდომარეები და კულტურის სამსახურის უფროსები ესწრებოდნენ.

„წელს ფესტივალი იქნება განსაკუთრებული, როგორც შემოქმედებითი კუთხით ასევე სანახაობრივად. წელს პირველად ხობის ფესტივალის ფარგლებში რეგიონის ყველა მუნიციაპალიტეტების წარმომადგენლები ეთნოკუთხეებს მოაწყობენ, ველოდებით ძალიან ბევრ საპატიო სტუმარს. ყველაფერმა იდეალურად უნდა ჩაიაროს და ამისთვის თვენი ერთობლივი მუშაობაა საჭირო“, - განაცხადა გუბერნატორმა სამუშაო შეხვედრაზე და ხობის მუნიციპალიტეტის გამგებლისგან და საკრებულოს თავმჯდომარისგან მოსამზადებელი სამუშაოების შესახებ ამომწურავი ინფორმაცია მიიღო.

მეშვიდე საერთაშორისო ფესტივალი ხობში მიმდინარე წლის 2-3 ოქტომბერს გაიმართება და მომღერალ თამარ გვერდწითელსა და ანსამბლ „რუსთავის“ შემოქმედებას მიეძღვნება. ფესტივალში საქართველოს ყველა კუთხის მომღერალთა გუნდები მიიღებენ მონაწილეობას.

ფესტივალის ორგანიზატორები და მხარდამჭერები არიან განათლების, კულტურისა და სულიერების აღორძინების საერთაშორისო ფონდი „ხობი“, ქართული საერთაშორისო სიმღერის საერთაშორისო ცენტრი, საქართველოს კულტურისა და ძეგლთა დაცვის სამინისტრო, სახელმწიფო რწმუნებულის - გუბერნატორის ადმინისტრაცია, ხობის მუნიციპალიტეტის გამგეობა და საკრებულო.

დღესვე გუბერნატორმა მუნიციპალიტეტების პირველი პირებისგან მიმდინარე ინფრასტრუქტურული პროექტების შესახებ ინფორმაცია მიიღო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანი წითლიძე - ივანიშვილის რუსული რეჟიმი ბევრად უფრო დაუნდობელია, ვიდრე ორბანის.

ბრიუსელი ხარობს: უნგრეთი ორბანის დამარცხების შემდეგ ევროპის გულში ბრუნდება

ირანი აშშ-ს აფრთხილებს: ნებისმიერი საზღვაო ბლოკადა წარუმატებლობისთვისაა განწირული

თეთრი სახლი სამშვიდობო მოლაპარაკებების ჩაშლის შემდეგ ირანზე დარტყმების განახლების საკითხს განიხილავს