საქართველოს თავდაცვის მინისტრი თინათინ ხიდაშელი ლიტვაში ოფიციალურ შეხვედრებს განაგრძობს.

თავდაცვის სამინისტროს ინფორმაციით, მინისტრი ამჯერად ლიტვის სეიმის სპიკერს, ლორეტა გრაუჟინიენეს შეხვდა.

როგორც მინისტრმა განაცხადა,  საქართველო-ლიტვას, ისტორიულად, დიდი ხნის მეგობრობა აკავშირებთ და ეს ურთიერთკავშირი კიდევ უფრო უნდა გაღრმავდეს.

მისივე თქმით, ლორეტა გრაუჟინიენესთან შეხვედრაზე ლიტვის რესპუბლიკის დამოკიდებულება საქართველოს ევროპული არჩევანის მიმართ კიდევ ერთხელ აღინიშნა - ლიტვაში მტკიცედ სჯერათ, რომ საქართველოს გამარჯვება, ლიტვის გამარჯვებაა.

ლიტვის პარლამენტი ერთსულოვნად უჭერს მხარს საქართველოს ტერიტორიულ მთლიანობას, დემოკრატიულ განვითარებასა და ქვეყნის ევროპულ და ევრო–ატლანტიკურ ინტეგრაციას.

საქართველოსთან თანამშრომლობის ლიტვის საპარლამენტო ჯგუფი, რომელსაც ზიტა ჟვიკიენე ხელმძღვანელობს, 64 დეპუტატს აერთიანებს და, ამ მხრივ, ყველაზე მსხვილი საპარლამენტო ჯგუფია. საქართველოს პარლამენტის ლიტვის პარლამენტთან მეგობრობის ჯგუფის ხელმძღვანელი კი პარლამენტარი ვალერი გელაშვილია. ქართული ჯგუფი 25 დეპუტატს აერთიანებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს