თამარ სანიკიძე: ჩვენთვის ეს წელი არის მასწავლებლის წელი

2015-09-14 11:02:45, 599 ნახვა

საზოგადოება

განათლებისა და მეცნიერების მინისტრმა თამარ სანიკიძემ მოსწავლეებსა და მასწავლებლებს ახალი სასწავლო წლის დაწყება მცხეთის რაიონის სოფელ წილკანის სკოლიდან მიულოცა.
სანიკიძემ სიტყვით გამოსვლისას პედაგოგთა ხელშეწყობაზე ისაუბრა. ასევე, მან ყურადღება განათლების ახალ სისტემაზე გაამახვილა.
"ჩვენს ძვირფას პედაგოგებს, სკოლის ადმინისტრაციას, სასკოლო საზოგადოებას, ჩვენს მოსწავლეებს და განსაკუთრებით პირველ კლასელებს, ვულოცავ ახალი სასწავლო წლის დაწყებას. გისურვებთ, რომ ეს წელი ყოფილიყოს თქვენთვის ნაყოფიერი და ჩვენი მოსწავლეების ნიჭიერების გამოვლენის წელი.
მინდა, განსაკუთრებით მივმართო ჩვენს ძვირფას პედაგოგებს და ვუთხრა, რომ ჩვენთვის ეს წელი არის მასწავლებლის წელი. ჩვენ ერთად დავიწყებთ წელს მუშაობას ახალი სისტემის ფარგლებში, სადაც დამერწმუნებთ, მოვახერხებთ ყველა იმ პრობლემის დაძლევას, რომელიც აქამდე გვქონია.
წარმატებულ წელს გისურვებთ და არ დაგავიწყდეთ, რომ თქვენს გვერდით განათლებისა და მეცნიერების სამინისტრო და პირადად მე ვდგავარ“, - განაცხადა თამარ სანიკიძემ.
განატლების მინისტრი წალკანის სკოლაში პრემიერ-მინისტრთან ერთად იმყოფებოდა.