სახელისუფლებო ორგანოები, ნაცვლად იმისა, რომ საზოგადოების სამსახურში იყვენ, ასრულებენ პარტიულ დავალებებს და პოლიტიკური ოპონენტების დევნით არიან დაკავებული , - ასე პასუხობს „ევროპული საქართველოს“ წევრი, ირაკლი აბესაძე თბილისის მერის, კახა კალაძის განცხადებას საარჩევნო პლაკატების გაკვრასთან დაკავშირებით.

აბესაძის თქმით, პოლიცია, სახელმწიფო და მერიის ადმინისტრაცია უნდა იყოს საზოგადოების სამსახურში და უნდა ზრუნავდეს იმ პრობლემების მოგვარებაზე, რაც რეალურად აწუხებს მოსახლეობას.

„საოცარია, რომ ათასი პროლემის პირისპირ  მყოფი ხელისუფლება და აბსოლუტურად ურეიტინგო სახელისუფლებო პარტია, ფლანგავს დროს და იცლის, რომ დევნოს პლაკატები და კვლავ გააჟღეროს მუქარები  პოლიტიკური ოპონენტების დაჯარიმების შესახებ. ერთხელ უკვე ვნახეთ თუ როგორ გაიფლანგა ადმინისტრაციული რესურსი, როდესაც საპატრულო და კრიმინალური პოლიცია, მერიის წარმომადგენლები კონსტიტუციის უხეში დარღვევით და მხოლოდ პარტიული ამოცანის შესრულების მიზნით დასდევდნენ ევროპული საქართველოს აქტივისტებს და აჯარიმებდნენ. სწორედ ეს არის, რისი შეცვლაც სურს „ევროპულ საქართველოს“ ევროპული კოალიციის ფარგლებში არჩევნების დასრულების თანავე. პოლიცია, სახელმწიფო და მერიის ადმინისტრაცია უნდა იყოს საზოგადოების სამსახურში და უნდა ზრუნავდეს იმ პრობლემების მოგვარებაზე, რაც რეალურად აწუხებს მოსახლეობას და არ უნდა იყოს დაკავებული პარტიული დავალებების შესრულებით, პარტიული დევნით და პოლიტიკური ოპონენტების აქტივისტების დაჭერით“,  - განაცხადა ირაკლი აბესაძემ.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს