შაქარაშვილის საქმეზე ბრალდებულ არჩილ გაგნიძის ადვოკატები ამ დრომდე გლდანის სასჯელაღსრულების დაწესებულებაში ამ დრომდე იმყოფებიან.

აგნიძის ადვოკატი ვასილ მამულაშვილი აცხადებს, რომ შაბათს, დასვენების დღეს, შაქარაშვილის საქმეზე დაკავებული მორაგბესთან, არჩილ გაგნიძესთან ციხეში პროკურორი შევიდა და ითხოვდა ჩვენებას.

ადვოკატებს აინტერესებთ, რა ჩვენების მიცემას ითხოვდა პროკურატურა.

მამულაშვილის თქმით, სამწუხაროა, რომ პროკურატურა ამ გზით ცდილობს ინფორმაციის მიღებას და ადვოკატებს საგამოძიებო მოქმედებების ჩატარების შესახებ ინფორმაციას წინასწარ არ ატყობინებს.

„შაბათ დღეს შესული იყო პროკურორი და ითხოვდა ჩვენებას. სამწუხაროა, რომ პროკურატურა ამ გზით ცდილობს ინფორმაციის მიღებას და არ გვატყობინებს იმ დაგეგმილ საგამოძიებო მოქმედებებზე, რომლებშიც მონაწილეობა უნდა მივიღო. გვაქვს უამრავი კითხვა, ასევე შაბათ დღეს არ არის დაშვებული შესვლა და გაურკვეველია, რატომ და ვინ იყო. საინტერესო არის ის, რომ, როგორც წესი, პროკურორი, თუ არ არის განსაკუთრებული შემთხვევა, საგამოძიებო მოქმედებას არ ახორციელებს ხოლმე. საქმეში ჩვენ არ გვაქვს არც ერთი გამოკითხვის ოქმი, სადაც პროკურორის მიერ იქნება არათუ ბრალდებული, არამედ მოწმეც. ეს წარმოშობს კითხვებს, ამასთან შაბათ დღეს, როგორც წესი, დაშვება არ ხდება. რატომ გააკეთა ეს პროკურორმა უცნობია“, - განაცხადა მამულაშვილმა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს