თავისუფალი ვაჭრობა ჩინეთთან ნიშნავს უაზარმაზარ შესაძლებლობას ჩვენი ქვეყნისთვის, ეს არის მილიარდ 600 მილიონიანი ბაზარი, ამაზე დიდი ბაზარი არ არსებობს მსოფლიოში,- ამის შესახებ პრემიერ-მინისტრმა ირაკლი ღარიბაშვილმა ჟურნალისტებთან საუბრისას განაცხადა.

პრემიერმა ჩინეთში ვიზიტი შეაჯამა და მას წარმატებული იწოდა.

"ეს იყო ჩემი პირველი შეხვედრა ჩინეთის პრემიერთან და ჩვენ გვქონდა ნაყოფიერი საუბარი. პირველად მოხდა ასეთ მაღალ დონეზე ორი ქვეყნის ურთიერთობებისა და თანამშრომლობის გეგმების განხილვა. გადაჭარბების გარეშე გეტყვით, რომ ასეთი ურთიერთობები, როგორიც ახლა გვაქვს ჩინეთთან, არ ყოფილა დღემდე.  მთავარი შედეგი ამ შეხვედრის არის შეთანმება თავისუფალი ვაჭრობის შესახებ მოლაპარაკებების დაწყებაზე. ჩინეთის პრემიერმა დააყენა საკითხი საქართველოსა და ჩინეთს შორის თავისუფალი ვაჭრობის შესახებ. ეს არის ურმაზარი შესაძლებლობა ჩვენი ქვეყნისთვის, ჩვენი მეწარმეებისთვის, ბიზნესმენებისთვის. ეს არის მილიარდ 600 მილიონიანი ბაზარი. ამაზე დიდი ბაზარი არ არსებობს მსოფლიოში. ჩვენ ამ წელიწადში მოვახერხეთ ევროპის 500 მილიონიანი ბაზრის გახსნა და ჩვენი პრაგმატული პოლიტიკის შევძელით რუსეთის ბაზარზე დაბრუნება", - აღნიშნა პრემიერმა.

მისივე განმატებით, შეხვედრაზე საუბარი შეეხო სხვადასხვა სტრატეგიულ პროექტებს, როგორიც არის ანაკლიის პორტი, მაგისტრალის მშენებლობა, რკინიგზის მოდერნიზაცია და სხვა. ირაკლი ღარიბაშვილის თქმით, საქარველო სრულად უერთდება და მხარს უჭერს "ახალი აბრეშუმის გზის" პროექტს.

" აბრეშუმის გზის აღდგენა თანამედროვე ეპოქაში არის ჩვენი ქვეყნისთვის მნიშვნელოვანი. ეს იქნება უნიკალური შანსი, რომ საქართველო ჩაერთოს ამ პროექტში, რომელიც ბევრ ინვესტიციას მოუტანს ქვეყანას,"-მიიჩნევს პრემიერი.

მისივე თქმით, თბილისი 15-16 ოქტომბერს "თბილისის აბრეშუმის გზის ფორუმზე" ელოდება 200 კაციან დელეგაციას ჩინეთიდან, რაც არის ჩინეთის მხრიდან გამოხატული მხარდაჭერის დემონსტრირება.

"თუნდაც ის, რომ ჩინეთისთვის რეალურად არ არის მნიშვნელოვანი საწართველოს ბაზარი, მაგრამ ეს ამ ჟესტით მათ სურთ დაეხმარონ ჩვენს ქვეყანას და ჩვენს მეწარმეებს. ამას ძალიან ვაფასებთ,"-განაცხადა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს