2020-08-21 11:14:01, 17003 ნახვა

---

კორონავირუსის 15 ახალი შემთხვევიდან 4 ლენჯერიდანაა, 3 იმპორტირებულია, 2-ის წყარო კი, ჯერჯერობით უცნობია

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კორონავირუსის 15 ახალი შემთხვევიდან 4-ის წყარო ლენჯერია, 6 შემთხვევა კი, იმპორტირებულია.

მისივე თქმით, 2 ინფიცირებულის წყარო ამ დროისთვის უცნობია და მიმდინარეობს ეპიდკვლევა.

„15 პაციენტი ასეთი განაწილებით გახლავთ: 4-ის დადასტურებული წყარო არის ლენჯერი, 6 პაციენტის წყარო არის დადასტურებულ შემთხვევებთან კონტაქტები, 3 შემთხვევა არის იმპორტირებული და 2 შემთხვევაზე გრძელდება ეპიდკვლევა კონტაქტების მოძიების და წყაროს დადგენის თვალსაზრისით“, - განაცხადა მარინა ეზუგბაიამ.

ცნობისთვის, საქართველოში ბოლო 24 საათში, კორონავირუსის 15 ახალი შემთხვევა გამოვლინდა და 20 პაციენტი გამოჯანმრთელდა.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი