|
2020-08-19 16:00:07, 1504 ნახვა
რეგიონი
აჭარაში თხილის მოსავლის აღების პროცესი აქტიურ ფაზაშია
წელს ადგილობრივი ფერმერები 5 ათას ტონამდე თხილის მოსავალს ელოდებიან, რაც, წინა წელთან შედარებით, მნიშვნელოვნად გაზრდილი მაჩვენებელია. ქობულეთის მუნიციპალიტეტის სოფელ ქაქუთში მეთხილე ფერმერებს საქართველოს გარემოს დაცვისა და სოფლის მეურნეობის მინისტრის მოადგილე ხატია წილოსანი და აჭარის სოფლის მეურნეობის მინისტრი ტიტე აროშიძე შეხვდნენ და მოსავლის აღება-დაბინავების საკითხები განიხილეს. როგორც შეხვედრაზე ფერმერებმა აღნიშნეს, წლევანდელი ხარისხიანი და ჭარბი მოსავალი მავნებლების წინააღმდეგ წარმატებული ბრძოლის შედეგია. „ცენტრალური და ადგილობრივი ხელისუფლებისა და ფერმერების მიერ ერთობლივად გატარებული სამუშაოების შედეგად, წელს ქვეყანაში 50 000 ტონაზე მეტ თხილის მოსავალს ველოდებით. აღსანიშნავია, რომ მოსავლის ხარისხი გაცილებით მაღალია. ფერმერები ასრულებენ იმ რეკომენდაციებს, რომლებიც თხილის მწარმოებელთა ასოციაციის მიერ არის შემუშავებული. ღირებულებათა ჯაჭვის ყველა რგოლის გამართული მუშაობა შესაძლებლობას გვაძლევს, ქართული თხილი კონკურენტუნარიანი იყოს“, - განაცხადა ხატია წილოსანმა. „თხილის წარმოების გამართული ჯაჭვი არის ნათელი მაგალითი, თუ როგორ უნდა განვითარდეს სოფლის მეურნეობა. მეთხილე ფერმერები ღებულობენ შესაბამის ანაზღაურებას, რაც იმის გარანტიაა, რომ გაიზარდოს ინტერესი, ფერმერმა მოიყვანოს მაღალხარისხიანი პროდუქცია, იზრუნოს მოსავლიანობის ზრდაზე და იყოს წარმატებული“, - განაცხადა ტიტე აროშიძემ. აღსანიშნავია, რომ მეთხილეობის დარგის შესაძლებლობების გასაძლიერებლად, აჭარის სოფლის მეურნეობის სამინისტრომ, მეთხილე ფერმერებს 2500 ერთეული ბაღის მობილური შემასხურებელი აპარატი თანადაფინანსების პრინციპით გადასცა, ამავდროულად, 2000 ჰა ფართობზე ჩატარდა აგრარული ექსტენცია.
|
რედაქტორის რჩევით
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ივანიშვილთან ერთად ვინ აფინანსებს ტელეიმედს და ვის ემუქრება მეორადი სანქციები
ომი უკრაინაში
სააღდგომო ზავი“ - როგორ არღვევენ და იყენებენ მას რუსები - Deep State
უკრაინაში რუსეთის მიერ ცეცხლის შეწყვეტის შეთანხმების ასობით დარღვევა დაფიქსირდა
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: NS (სტატია დაფინანსებულია),



epn.ge (@expressnews.ge)