ანას ბაღის დამცველი აქტივისტი, გიორგი ფხალაძე შსს-ში გამოკითხვაზე დაიბარეს

2020-08-15 17:14:29, 1110 ნახვა

საზოგადოება

ანას ბაღის დამცველი აქტივისტი, გიორგი ფხალაძე შსს-ში მოწმის სახით გამოკითხვაზე დაიბარეს.

როგორც გიორგი ფხალაძე სოციალურ ქსელში წერს, საქმე აღრულია სსკ-ის 117-ე მუხლით, ქურდობის ფაქტზე.

ამასთანავე, აქტივისტი „ფორმულასთან“ ინტერვიუში აცხადებს, რომ გამოკითხვაზე მისი დაბარება იმ სასამართლო დავას უკავშირდება, რომელიც ვარკეთილის მცხოვრებლებს, ანას ბაღის ტერიტორიაზე დაწყებული მშენებლობის წინააღმდეგ აქვთ დაწყებული.

„დღეს 18 საათზე დაბარებული ვარ სამმართველოში გამოკითხვაზე. საქმე აღძრულია სსკ-ის 177 მუხლით ქურდობის ფაქტზე. კალაძემ საქმე შეთითხნა და ავრცელებენ ამ ვიდეოს თითქოს, მე ვიპარავ რამეს. აღნიშნულ ვიდეოზე არ ვარ მე და ვერაფრით ვიქნები, რადგან ამ დროს არ ვიმყოფებოდი თბილისში. უფრო მეტიც აღმოსავლეთ საქართველოშიც კი არ ვიმყოფებოდი", - წერს გიორგი ფხალაძე.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან