2020-08-11 00:12:02, 1285 ნახვა

---

ნათია თურნავა - ანზორ ერქომაიშვილი არის ადამიანი, ვისი თანადგომითაც მნიშვნელოვანი წვლილი შეგვაქვს მსოფლიო ფოლკლორის საგანძურში

„ბატონი ანზორ ერქომაიშვილი არის ადამიანი, ვინც არამხოლოდ გადაარჩინა ძალიან ბევრი ფოლკლორული ნაწარმოები და განავითარა ქართული ფოლკლორი, არამედ საქართველო ამაყად გააცნო სრულიად მსოფლიოს და მისი დახმარებით, ძალიან მნიშვნელოვანი წვლილი შეგვაქვს მსოფლიო ფოლკლორის საგანძურში" - ამის შესახებ ნათია თურნავამ ანზორ ერქომაიშვილის 80 წლის იუბილესადმი მიძღვნილ საღამოზე განაცხადა. საიუბილეო საღამო ოზურგეთში გაიმართა და მას საქართველოს ხელისუფლების, ასევე კულტურის სფეროს წარმომადგენლები და მოწვეული სტუმრები ესწრებოდნენ.

სიტყვით გამოსვლისას ეკონომიკის მინისტრმა ასევე ისაუბრა იმ მნიშვნელოვან პროექტებზე, რომლებიც, საქართველოს მთავრობის ინიციატივით, გურიის რეგიონში ხორციელდება. „რამდენიმე ინფრასტრუქტურული პროექტი მსურს აღვნიშნო, რომელსაც ეკონომიკის სამინისტრო ახორციელებს - პირველ რიგში, ეს არის საყოველთაო ინტერნეტიზაციის  საპილოტე პროექტი, რომელიც რამდენიმე დღის წინ სწორედ ოზურგეთში დავიწყეთ და სულ მალე, ოზურგეთის მუნიციპალიტეტის 49 დასახლებული პუნქტის 8500-მდე ოჯახს ოპტიკურ-ბოჭკოვანი, მაღალი ხარისხის, სწრაფი ინტერნეტი ექნება. ასევე ძალიან მნიშვნელოვანია მასშტაბური გაზიფიცირების სამთავრობო პროგრამა, რომლის ფარგლებშიც 2021 წლის ბოლოს დამატებით 19 დასახლებულ პუნქტში, 4400 ოჯახს ექნება ბუნებრივი აირი. აქედან 11 დასახლებულ პუნქტში უკვე შესრულებულია ტექნიკური სამუშაოები და დანარჩენებსაც მალე დავასრულებთ. გარდა ამისა, რამდენიმე საწარმო დაფინანსდა პროგრამის „აწარმოე საქართველოში" ფარგლებში, ასევე სასტუმროები და დამატებით 300 ახალი სამუშაო ადგილი შეიქმნა, კარგად გვესმის, რომ ეს არ არის საკმარისი და გაცილებით მეტს გავაკეთებთ როგორც გურიის რეგიონში, ასევე მთლიანად საქართველოში" - განაცხადა ნათია თურნავამ.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი