ტრამპმა გადაწყვეტილება შეცვალა - შტატების პრეზიდენტმა TikTok-ი აშშ-ი 45 დღით აკრძალა, კომპანია სამართლებრივ დავას იწყებს

2020-08-07 17:27:11, 2390 ნახვა

მსოფლიო

BBC-ს ცნობით, პრეზიდენტმა დონალდ ტრამპმა აშშ-ში ჩინური აპლიკაციის, TikTok-ის აკრძალვაზე ბრძანება გამოსცა. დოკუმენტის თანახმად, პლატფორმა შტატებში 45 დღით აიკრძალება მანამ, სანამ ჩინური კომპანია არ გაყიდის.

TikTok აშშ-ს პრეზიდენტის დონალდ ტრამპის წინააღმდეგ სამართლებრივი ქმედებით იმუქრება.

კომპანიის განცხადების მიხედვით, ტრამპის ქმედება შოკისმომგვრელია და ისინი აპირებენ სამართლებრივ დავაში ჩართვას, რათა არ დაირღვეს კანონის უზენაესობა

ტრამპის ადმინისტრაციაში აცხადებენ, რომ აპლიკაცის მომხმარებლების ინფორმაციაზე წვდომა ჩინეთის მთავრობას აქვს, რაც მფლობელი კომპანიის კეთილი ნებაა.

ჩინურ კომპანიაში, ByteDance-ში ამ ინფორმაცია უარყოფენ.

ტრამპმა ასევე დაბლოკა ჩინური პლატფორმა WeChat.

პრეზიდენტმა მიზეზი აქაც იგივე დაასახელა, თუმცა პლატფორმის ხელმძღვანელობა აცხადებს, რომ მათთვის ეს ქმედბა გაურკვეველია.

შეგახსენებთ, რომ რამდენიმე დღის წინ დონალდ ტრამპა TikTok-ს 15 სექტემბრამდე მისცა ვადა, რომ ამერიკული კომპანია Microsoft-ისთვის აქციები მიეყიდა და წინააღმდეგ შემთხვევაში ის შტატებში აპლიკაციას დაბლოკავდა.

თუმცა პრეზიდენტის პირობები შეიცვალა, ჩინურ აპლიკაციას ამერიკაში მოღვაწეობის გაგრძელებისთვის 45 დღიანი ვადა აქვს, თუ მფლობელები აქციებს არ გაყიდიან დაბლოკვის ხანგრძლივობა გაიზრდება.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,