კორუფცია საქართველოში კორონავირუსის პერიოდში მიმდინარე სახელმწიფო შესყიდვებზე, - ბრიტანული საგამოძიებო ჯგუფი Bellingcat-ი კვლევას აქვეყნებს.

კვლევაში ყურადღება გამახვილებულია ე.წ. გამარტივებულ სახელმწიფო შესყიდვები, რომელიც საქართველოში კოვიდ19-ის გამო დაწესებული შეზღუდვებისა და საგანგებო მდგომარეობის პერიოდში ხორციელდებოდა.

Bellingcat-ის კვლევაში ვკითხულობთ, რომ გამოძიება ორი მიმართულებით დაინტერესდა. ესენია ჯანდაცვის სექტორის შესყიდვები და საკარანტინე ზონად გამოყენებული სასტუმროები.

„კვლავე ნათლად აჩვენებს, თუ როგორ უწყობს ხელს საგანგებო სიტუაციები კორუფციულ პრაქტიკას. კორონავირუსის პანდემიისა და შეზღუდვების ფონზე, ელექტრონული ტენდერების გამოყენების ნაცვლად, საქართველოში ტარდება ე.წ. გამარტივებული სახელმწიფო შესყიდვები.

COVID-19– ზე რეაგირების შემდეგ და განსაკუთრებით საგანგებო მდგომარეობის დროს, დაფიქსირდა სახელმწიფოს მიერ საეჭვო შესყიდვები და არაკონკურენტული ხელშეკრულებები საქართველოს მთავრობასა და კომპანიებს შორის“, - ვკითხულობთ კვლევაში.

Bellingcat აღნიშნავს, რომ გამოძებამ აჩვენა, რომ შესყიდვებში მონაწილე კომპანიების დიდი ნაწილი, კორონავირუსის პანდემიის დროს შეიქმნა და მათი მფლობელები მმართველი გუნდის „ქართული ოცნებისა“ და პრეზიდენტ სალომე ზურაბიშვილის ფინანსური მხარდამჭერები არიან.

დაბოლოს, Bellingcat წერს, რომ საქართველოს სახელმწიფო შესყიდვების შესახებ კანონი ვერ უზრუნველყოფს გამჭვირვალობასა და სამართლიან კონკურენციას.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ნატო რუსეთის საზღვრებთან 60 000 ჯარისკაცამდე გააძლიერებს თავის ყოფნას

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის