„მიმაჩნია, რომ გვაკლია ძლიერი ხმა ნატოდან და ევროკავშირიდან“, - ამის შესახებ თავდაცვის მინისტრმა თინა ხიდაშელმა "თბილისი რუმსში" მიმდინარე საერთაშორისო კონფერენციაზე განაცხადა.

მისივე თქმით, ვარშავის სამიტზე საუბარი უნდა იყოს ნატოს გაფართოებაზე, რაც რუსეთის გამოწვევებზე სწორი პასუხი იქნებოდა.

მინისტრის შეფასებით, რაც უფრო ძლიერია ნატო, მით უფრო ძლიერდება მისი რეაგირება.

„დღევანდელ სამყაროში არ გვაქვს პოზიტიური დღის წესრიგი, თუ როგორ ხედავს ნატო თავის თავს მომავალში, 15 წლის პერსპექტივაში, ან როგორ ხედავს ნატო სამყაროს, რას აკეთებს იმისთვის, რომ ეს სამოქმედო გეგმები შეიმუშაოს და რეაგირება მოახდინოს გამოწვევებზე როგორც რუსეთთან, ასევე სხვადასხვა პრობლემებთან დაკავშირებით. მთავარი, რაც ჩვენ გვაკლია, არის გზამკვლევი, ამიტომ დღეს ძალიან დიდი ყურადღება ექცევა წევრი ქვეყნების უსაფრთხოებას და ვარშავის სამიტიც არის ზუსტად წევრი ქვეყნების შესახებ. ჩვენ მიგვაჩნია, თუ საქართველოში ნატომ კრახი განიცადა, ძალიან ბევრი მიმართულებით განიცდის კრახს. თუ ნატო რუსეთის მიმართ სისუსტეს გამოიჩენს, ძალიან ბევრი მიმართულებით გაუხსნის რუსეთს გზას და ხელფეხს. ლავროვი, პუტინი ყოველთვის ელოდებიან შანსს და მას ხელიდან არ გაუშვებენ“, - განაცხადა ხიდაშელმა.

მინისტრის თქმით, საუბარია იმაზე, რომ მონტენეგრო უფრო იმსახურებს ნატო-ს წევრობას. თუმცა მისივე განცხადებით, მონტენეგროს ნატოში გაწევრიანებას მოსახლეობის 1/3 უჭერს მხარს, საქართველოს გაწევრიანებას კი, 2/3. შესაბამისად, მინისტრის შეფასებით, საქართველო მაღალი ალბათობით ნატოს კანდიდატი რომ არ არის, ეს გარკვეული ცინიზმია.

„რენდიმ თქვა, დღეს თუ რომელიმე ქვეყანა წევრობას, ეს არის მონტენეგრო. მე მონტენეგროს ვემხრობი და მხარს ვუჭერ, მაგრამ რა არის მნიშვნელოვანი და რატომ მონტენეგრო, სადაც მოსახლეობის 1/3-ზე ნაკლები უჭერს მხარს ნატოში გაწევრიანებს, როდესაც საქართველოს ნატოში ინტეგრაციას 2/3-ზე მეტი მხარდაჭერი ჰყავს. როცა არის ძალიან დიდი ვალდებულებები აღებული, რატომ ვერ ვართ შესაფერისი და არ ვართ მაღალი ალბათობით კანდიდატი? - არის გარკვეული ცინიზმი ამ ყველაფერთან, მაგრამ ეს არის გამოწვევა, რომელსაც ჩვენ ვიღებთ. ჩემთვის მთავარი მამოძრავებელია ყველა კედელი დავანგრიოთ, ყველა ომი გავიაროთ, ვიბრძოლოთ და ყველა დავარწმუნოთ, რომ თუ რაიმე უნდა ხდებოდეს ვარშავაში, ეს უნდა იყოს ნატოს გაფართოება და ეს იქნება ერთადერთი სწორი პასუხი იმ გამოწვევებისა, რომელსაც რუსეთი აგზავნის მთელი ევროპის და ვარშავის წინააღმდეგ“, - აღნიშნა ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანაპას მახლობლად, შავ ზღვაში ნავთობის დაღვრას „ჩრდილოვან“ ტანკერზე დრონის თავდასხმას უკავშირებენ

ირანმა კომერციული გემებისთვის ჰორმუზის სრუტის გახსნის შესახებ განაცხადა

კობახიძემ თქვა, რომ 2028 წლის არჩევნებს მოიგებს, მას შემდეგ რაც პარტიებს აკრძალავს

კობახიძე კვლავ იყენებს საპატრიარქოს სახელს ოპონენტებზე თავდასასხმელად