ინგლისის საზოგადოებრივი ჯანმრთელობის ექსპერტები აცხადებენ, რომ სიმსუქნე ზრდის კოვიდ19-ით გარდაცვალების რისკს.

ექსპერტების მიერ ჩატარებული კვლევიდან ირკვევა, რომ სიმსუქნე კოვიდ19-ით დაინფიცირების რისკს არ ზრდის, მაგრამ იმ შემთხვევაში თუ პირი ვირუსით დაავადდა, გარდაცვალების რისკი და დაავადების გართულების შესაძლებლობა უფრო მეტია.

მოხსენებაში აღნიშნულია, რომ 40 წლამდე ინფიცირებულ პირებში, ვისაც ჭარბი წონა აწუხებს, კოვიდ19-ით გარდაცვალების მაჩვენებელი 40%-ით მეტია მათთან შედარებით, ვისაც წონის პრობლემა არ აქვს. ხოლო 40 წელს ზემოთ მყოფ ადამიანებში რისკი 90%-ს შეადგენს.

ექსპერტების განცხადებას წინ უსწრებდა ინგლისის მთავრობის მიერ მიღებული გადაწყვეტილება, სიმსუქნის შემცირების მიზნით, ახალი ზომების მიღებასთან დაკავშირებით.

აღსანიშნავია ისიც, რომ პრემიერ-მინისტრი ბორის ჯონსონი დაჰპირდა საზოგადოებას, რომ უახლოეს დღეებში შექმნის პროგრამას სიმსუქნის პრობლემის მოსაგვარებლად.

ცნობისთვის, დიდ ბრიტანეთს ევროპაში სიმსუქნის ერთ-ერთი ყველაზე მაღალი მაჩვენებელი აქვს. ინგლისში მოზრდილების თითქმის ორ მესამედს ჭარბი წონა აწუხებს. ანალოგიური მაჩვენებლებია უელსში, შოტლანდიასა და ჩრდილოეთ ირლანდიაშიც.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ევროპის საბჭოს გენერალური მდივანი - ევროპა ოპოზიციის აკრძალვის შესახებ მოსმენების წინ, დააკვირდება ყველა მოქალაქის ფუნდამენტური უფლებებისა და თავისუფლებების დაცვას

დიდი ბრიტანეთი საუდის არაბეთში ჰუსიტების თავდასხმებისგან დასაცავად Typhoon-ის გამანადგურებლებს გაგზავნის

პენიტენციური ამტკიცებს რომ დავით ფეიქრიშვილმა მინები ჩაამტვრია და თვითდაზიანება სცადა, პატიმრებს დეზორგანიზაციისკენ მოუწოდებდა

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს