გია ვოლსკი თამარ ბაჩალიაშვილის საქმეზე - სამწუხაროდ, უფრო დიდი ხნის ძიებების შემთხვევებიც გვაქვს საქართველოში

2020-07-22 14:39:59, 3601 ნახვა

კომენტარი

სამწუხაროა, რომ ამ თემასაც პოლიტიკურ სპექტში იყენებენ, - ამის შესახებ პარლამენტის თავმჯდომარის პირველმა ვიცე-სპიკერმა, გია ვოლსკიმ განაცხადა, რითიც გამოეხმაურა 23 წლის თამარ ბაჩალიაშვილის გარდაცვალების საქმეს.

მისივე თქმით, საქართველოში უფრო დიდი ხნის ძიებების შემთხვევებიც დაფიქსირებულა.

„სამწუხაროდ, უფრო დიდი ხნის ძიებების შემთხვევებიც გვაქვს საქართველოში, მაგრამ ის რომ, ძიებას ძალისხმევა დააკლეს, არის უფრო მეტი რა შეიძლება ვთქვათ, არის უნამუსო ტყუილი და სამწუხაროა, რომ ამ თემასაც პოლიტიკურ ასპექტში იყენებენ.

ოპოზიციის მთელი მიზანი არის ის, რომ საზოგადოება დაარწმუნოს, რომ სადისტური მმართველობა თითქოსდა არის კრიმინოგენური ვითარების ერთადერთი წამალი, მიუხედავად იმისა, რომ სტატისტიკა საპირისპიროს გვიჩვენებს. არაერთი ათეულობით მკვლელობა, მათ შორის, არასრულწლოვანთა შორის არის დაფიქსირებული წარსულში, თუმცა არავის არასდროს უფიქრია ამ ფაქტორის პოლიტიკურ ჭრილში გამოყენება. სახელმწიფო თავად ჩადიოდა დანაშაულს და ეს იყო ერთადერთი საკითხი, რაზეც ჩვენ ვამახვილებდით ყურადღებას, - განაცხადა გია ვოლსკიმ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან