სისხლის სამართლის საერთაშორისო სასამართლოს ყველა ქმედება პოლიტიზირებულია, ის სამხრეთ ოსეთის ტერიტორიას საქართველოს ნაწილად განიხილავს, რაც აბსოლუტურად კონტრპროდუქტიული მიდგომაა, - ამის შესახებ ცხინვალის ოკუპირებული რეგიონის დე ფაქტო ლიდერმა ანატოლი ბიბილოვმა გაზეთ „სამხრეთ ოსეთთან“ ინტერვიუში განაცხადა.

მისივე თქმით, მსოფლიოში ყველამ მშვენივრად იცის, რომ 2008 წელს სამხრეთ ოსეთს თავს საქართველო დაესხა.

„ჩვენ კარგად გვესმის დასავლეთის გლობალური პოლიტიკა, რომელიც ორმაგ სტანდარტებზეა დაფუძნებული. მსოფლიოში ყველამ მშვენივრად იცის, რომ 2008 წელს საქართველო დაესხა თავს სამხრეთ ოსეთს. ამის შესახებ არის საუბარი ხაიდი ტალიავინის მოხსენებაში. მაგრამ, სამწუხაროდ, სტრუქტურები რომლებიც უნდა მუშაობდნენ პასუხისმგების საკითზე, წინასწარ არიან უარყოფითად განწყობილები

რატომ არ გვაქვს ურთიერთობა სისხლის სამართლის საერთაშორისო სასამართლოსთან? იმიტომ, რომ მათი ყველა ქმედება პოლიტიზირებულია. მათ არ სურთ, გააცნობიერონ სამხრეთ ოსეთის მოსახლეობისა და სამშვიდობოების მიმართ ჩადენილი დანაშაულების ხასიათი და განიხილავენ სამხრეთ ოსეთის ტერიტორიას საქართველოს შემადგენლობაში. ეს აბსოლუტურად კონტრპროდუქტიული მიდგომაა“ - განაცხადა ბიბილოვმა.

მისივე თქმით, რუსეთსა და ე.წ სამხრეთ ოსეთში მიმდინარეობს განსაკუთრებული მუშაობა იმისათვის, რომ საქართველომ და პირადად მიხეილ სააკაშვილმა 2008 წელს ე.წ სამხრეთ ოსეთის მოსახლეობის მიმართ ჩადენილი დანაშაულისთვის პასუხი აგონ.

„ეს საქმე არ მორჩება“, - განაცხადა ბიბილოვმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს