„ევროპული საქართველოს“ ერთ-ერთი ლიდერი, გიგა ბოკერია ევროკავშირის რამდენიმე ქვეყანასთან ფრენების აღდგენაზე მთავრობის გადაწყვეტილებას გამოეხმაურა.

როგორც ბოკერიამ პარტიის ოფისში გამართულ ბრიფინგზე განაცხადა, აღნიშნული გადაწყვეტილება სწორია, მაგრამ უკვე დაგვიანებულია.

„მგონი ყველას ესმის, გარდა ივანიშვილის გუნდისა, რომ გადაადგილების თავისუფლება და მათ შორის მოგზაურობის შესაძლებლობა, არ არის ვიღაცის ფუფუნება. ეს არის ჩვენი მოქალაქეების მნიშვნელოვანი ნაწილისთვის შანსის გაჩენა, რომ იმ მძიმე მდგომარეობაში, რომელშიც პანდემიამ და ივანიშვილის გუნდის უგუნურმა ნაბიჯებმა ჩააგდო ქვეყანა, აქედან გამოსვლა დავიწყოთ. ეს უკავშირდება არამარტო ტურიზმს და მოქალაქეების ჩამოსვლას, არამედ ჩვენი მოქალაქეების შესაძლებლობას, რომ ჩავიდნენ და დროებითი სამუშაო ნახონ. უამრავი მიზეზი არსებობს რატომ და როგორ შეუწყობს ხელს გადაადგილება ჩვენს მოქალაქეებს, რომ ამ უმძიმესი მდგომარეობიდან გამოვიდნენ ან არ დაუმძიმდეთ ეკონომიკური მდგომარეობა.

ამ ვითარებაში ჩვენ ვხედავდით დღეებისა და კვირეების განმავლობაში უტიფარ და ბრიყვულ პასუხებს ივანიშვილის გუნდისგან, მათ შორის პრემიერ-მინისტრ გახარიასა და სხვა მინისტრებისგან, რომ არ გვაწყობს ფრენები. მაშინ, როცა ევროკავშირმა კიდევ ერთხელ გამოგვიწოდა ხელი და უკვე რამდენი ხანია მიიღო გადაწყვეტილება, გაუხსნას საქართველოს ფრენის შესაძლებლობა. ამ ვითარებაში ჯიუტად გვპასუხობდნენ „ევროპულ საქართველოს“ და ახლა საზოგადოებრივი წნეხის ქვეშ მოექცნენ და როგორც იქნა გახსნეს რამდენიმე ქვეყანასთან გადაადგილების შესაძლებლობა, რაც არის სწორი, მაგრამ დაგვიანებული გადაწყვეტილება. დააგვიანეს და უკვე ზიანი მიაყენეს ხალხს“, - განაცხადა გიგა ბოკერიამ.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს