საქართველოს პრემიერ-მინისტრმა გიორგი გახარიამ პარლამენტში მთავრობის საქმიანობის ანგარიშის წარდგენამდე განაცხადა, რომ ბოლო ერთი თვის განამვლობაში პარლამენტში მესამედ იმყოფება, რაც კიდევ ერთი არგუმენტია, რომ ქვეყანაში საპარლამენტო დემოკრატია ვითარდება.

„მოგეხსენებათ, დღეს წარმოგიდგენთ 2019-2020 წლების ანგარიშს, რომელიც საქართველოს პარლამენტისთვის წერილობით იყო წარდგენილი დაახლოებით ერთი თვის წინ და ვისაც ინტერესი ექნებოდა, ჰქონდა შესაძლებლობა, ამ ანგარიშს გაცნობოდა.

საერთოდ, დაწყებამდე მინდა, ხაზგასმით აღვნიშნო, რომ დღეს ფაქტობრივად გამოდის მესამე ვიზიტი ბოლო ერთი თვის განმავლობაში, რაც, რა თქმა უნდა, არის ჩვენი საზოგადოების წინაშე პასუხისმგებლობის კომპონენტი, რაც შეიძლება კიდევ ერთი არგუმენტი და ფაქტორი იყოს იმისთვის, რომ ქვეყანაში საპარლამენტო დემოკრატია ვათარდება“,- აღნიშნა გიორგი გახარიამ.

მისივე თქმით, გამოწვევების მიუხედავად, სამთავრობო პროგრამის ოთხი პრიორიტეტული მიმართულება განხორციელების ფაზაშია.

„ამასთან ერთად, მიუხედავად იმისა, რომ თებერვლის თვიდან ვებრძვით გალობალურ გამოწვევას, პანდემიას, რომელსაც აქვს თავისი როგორც ეპიდემიოლოგიური, ჯანდაცვის, ასევე ეკონომიკური შემადგენილი, მიუხედავად ამ ყველაფრისა, ოთხი პრიორიტეტული მიმართულება, რომელიც სამთავრობო პროგრამის დამტკიცებით იყო წარდგენილი, განხორციელების ფაზებშია, სხვადასხვა წარმატებით, რა თქმა უნდა.

სადღაც გვაქვს სერიოზული მიღწევები, გარკვეული მიმართულებით არის დარჩენილი გამოწვევები, თუმცა ყველა ამ ოთხი მიმართულებით მუშაობა არ შეჩერებულა არც ერთი წუთით და მუშაობა გრძელდება.

რა თქმა უნდა, პირველ რიგში ეს გახლავთ უსაფრთხოება და ადამიანის უფლებები, ეკონომიკური განვითარება, განათლება და ადამიანური კაპიტალის განვითარება, სახელმწიფო მმართველობა“,- განაცხადა გიორგი გახარიამ.

ავტორი: ექსპრესნიუსი,

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს