თამარაშვილის გამზირზე წაქცეულ ხესთან დაკავშირებით პირველადი დათვალიერება ჩატარდა. ადგილზე თბილისის მერის მოადგილეები მაია ბითაძე და ირაკლი ბენდელიანი, ეროვნული ბოტანიკური ბაღის ექსპერტებთან ერთად მივიდნენ.

თბილისის მერის მოადგილის, მაია ბითაძის განცხადებით, პირველადი დათვალიერების შედეგად გამოვლინდა, რომ თამარაშვილის გამზირზე წაქცეულ ხეს, წლების განმავლობაში სხვადასხვა სარეაბილიტაციო სამუშაოს დროს ფესვთა სისტემა უზიანდებოდა, რამაც ხის ადგილიდან დაძვრა გამოიწვია.

„პირველადი დათვალიერებით, რომელსაც, ბუნებრივია შემდგომი კვლევა სჭირდება, რაზეც უკვე დაწყებულია მუშაობა, ჩვენი და დამოუკიდებელი ექსპერტების მიერ, სავარაუდოდ ხე, რომელიც საკმაოდ ხნოვანია, დაახლოებით 60 წლის არის.  წლების განმავლობაში მას სხვადასხვა სარეაბილიტაციო სამუშაოს დროს უზიანდებოდა ფესვთა სისტემა და ის ემყარებოდა  ერთადერთ ცოცხალ ფესვს , რომლის ქვეშ მიწის გამოცლის შედეგად მოხდა ხის  ადგილიდან დაძვრა. ასევე, ხეს გულში  შეენიშნება ლპობის ნიშნები, რაც დასტურია იმისა, რომ წლების განმავლობაში სხვადასხვა სარეაბილიტაციო სამუშაოს დროს მას უზიანდებოდა ფესვები“, - განაცხადა მაია ბითაძემ.

თამარაშვილის გამზირზე ჭადრის ხის წაქცევასთან დაკავშირებით, თბილისის მერიისა და დამოუკიდებელი ექსპერტების მიერ დამატებითი კვლევები ჩატარდება. თბილისის მერის მოადგილის მაია ბითაძის განცხადებით, დარღვევის გამოვლენის შემთხვევაში შესაბამისი ზომები იქნება მიღებული.

ადგილზე გარემოს დაცვის საქალაქო  სამსახურის უფროსი გიგა გიგაშვილი და საქართველოს ეროვნული ბოტანიკური ბაღის ხელმძღვანელი თამაზ დარჩიძე იმყოფებოდნენ .

ავტორი: NS (სტატია დაფინანსებულია),

სოციალური ქსელები

აბუ-დაბიში დაიწყო აშშ-უკრაინა-რუსეთის მოლაპარაკებების მორიგი რაუნდი

პაპუაშვილი – ბრიუსელი ცდილობს, დაბლოკოს საქართველოს ორმხრივი ურთიერთობები ევროკავშირის წევრ ქვეყნებთან

მხოლოდ 12 ნოემბერს, შეიძინე საბურავები „თეგეტა მოტორსში“ თიბისი განაწილებით და დაიბრუნე თანხის 50%

ბაზისბანკი ახალგაზრდა ტალანტების მხარდაჭერას განაგრძობს, UNI4VERSE – FINEDU-ს გამარჯვებული გუნდი Web Summit-ზე გაემგზავრება