შერიგებისა და სამოქალაქო თანასწორობის საკითხებში სახელმწიფო მინისტრ პაატა ზაქარეიშვილის მტკიცებით, აფხაზეთის გავლით სომხეთთან სარკინიგზო მიმოსვლის აღდგენაზე რუსეთთან მოლაპარაკება არ მიმდინარეობს.

მისივე თქმით, ოჩამჩირიდან ენგურამდე სარკინიგზო მაგისტრალზე სამუშაოების მიმდინარეობის მოტივი,  ქართული საზოგადოების პროვპოკაციაზე წამოგებაა.

"სააკაშვილის დროს მოლაპარაკებები მიმდინარეობდა და ამაში ცუდს  ვერაფერს ვერ ვხედავი, მაგრამ ჩაიშალა ეს მოლაპარაკებები, ომმა ჩაშალა. მაშინ ხომ მოლაპარაკებები მიდიოდა, ჩვენს დროს არანაირი მოლაპარაკებები არ მიდის, როგორც ჩანს საოკუპაციო ძალებს სურთ დაასრულონ აფხაზეთის ოკუპირებულ ტერიტორიაზე რკინიგზის ხაზი, რომელიც ოჩამჩირემდეა. თუმცა, ოჩამჩირე-სოხუმის მონაკვეთი პრაქტიკულად არ მოქმედებს იმიტომ, რომ არც მგზავრები და არც ტვირთი არ მოძრაობს და პრაქტიკულად ეს არის მკვდარი მანძილი .თავისთავად უცნაურია და არარენტაბელურად ჩანს, რატომ უნდა აგრძელებდნენ გალამდე, როცა ძირითადი სამუშაოები გალში უკვე დასრულებულია. მე ვერ ვხედავ, რატომ უნდა გააგრძელონ, თუ არა ერთი მიზეზით, პროვოკაციაზე წამოაგონ ქართული საზოგადოების ნაწილი, რომ ამაზე ჩაითვალოს განსაკუთრებული საფრთხე. იმაზე დიდი საფრთხე, რაც 2008 წლის აგვისტოში ოკუპაციით გამოიხატა  და იგივე რკინიგზის გატარებით ოკუპირებულ ტერიტორიის რაღაც მონაკვეთზე, სიტყვაზე სოხუმიდან ოჩამჩირემდე, არ არის.  ამ ტიპისვე საფრთხეა ეს",-განაცხადა პაატა ზაქარეიშვილმა.

ცნობისთვის, რუსეთი  წლის ბოლომდე ოკუპირებულ აფხაზეთში სარკინიგზო მიმოსვლის მოწესრიგებას გეგმავს. საუბარია ოჩამჩირიდან ენგურამდე სარკინიგზო მაგისტრალის აღდგენაზე.  სარკინიგზო მაგისტრალის 33-კილომეტრიან მონაკვეთზე სამუშაოები  მიმდინარეობს. აღნიშნული მონაკვეთი 90-იანი წლებიდან არ ფუნქციონირებს.

ოკუპირებული აფხაზეთის ტერიტორიაზე რუსეთის სარკინიგზო ჯარების 500–მდე მოსამსახურე და 50-ზე მეტი ერთეული სპეცტექნიკა ივლისის ბოლოს გაიგზავნა. 

რუსეთის თავდაცვის მინისტრის მოადგილე დიმიტრი ბულგაკოვის განცხადებით, სამუშაოები ჰუმანიტარული დახმარების ფარგლებში ხორციელდება.

მისივე  თქმით, ჰუმანიტარული დახმარების ფარგლებში, რუსეთმა აფხაზეთში სარკინიზგო მაგისტრალის 50 კილომეტრიანი მონაკვეთი და 9 ხიდი 2008 წელსაც აღადგინა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა