ფიზიკური ძალადობის საქმეში ბრალდებული ნიკოლოზ ბასილაშვილის ყოფილი მეუღლე, ნეკა დოროყაშვილი, „რუსთავი 2“-თან საუბრისას ამბობს, რომ მასსა და მის ყოფილ მეუღლეს შორის დაპირისპირება მას შემდეგ დაიწყო, რაც ბასილაშვილის სახლში მცირეწლოვანი შვილის წამოსაყვანად მივიდა.

როგორც ის აღნიშნავს, ამ ინციდენტთან ქონებრივ დავას კავშირი არ აქვს.

„არანაირ კავშირში არ ყოფილა ამ ინციდენტთან ქონებრივი დავა. დასრულებული გვქონდა ქონებრივი დავის საკითხი დიდი ხნის წინ. მოლაპარაკებით დავასრულეთ.

ბავშვს მივაკითხე წამოსაყვანად. დაპირისპირების მიზეზი ჩემთვის დღემდე გაუგებარია, უბრალოდ მივაკითხე ჩემს შვილს წამოსაყვანად. ექსპერტიზა ჩამიტარდა და ახლაც მიმდინარეობს. გირაოთი რომ გამოუშვებდნენ, არ ველოდი“, - განაცხადა ნეკა დოროყაშვილმა.

მისი თქმით, მათ კონფლიქტში ბასილაშვილის მამაც ჩაერია, რომელიც მას დიდტარიანი საგნით გამოეკიდა.

„არ ვიცი რა დაემართა, მთვრალი იყო თუ რა სჭირდა, გამოგვეკიდა მე და ჩემს შვილს რაღაც იარაღით. თვითონ იძახის რომ ეს იყო გიტარა, მე ვერ ვადასტურებ რა იყო. დიდი ტარი ჰქონდა. მე მეგონა, იყო ნაჯახი... არც მახსოვს ნორმალურად, გამოვიქეცი და მანქანაში ჩავჯექი. ვერ ვიხსენებ კონკრეტულ დეტალებს. მამა გამომეკიდა რაღაც საგნით, არ მახსოვს რა საგანი იყო, ძალიან დიდი ტარი ჰქონდა“, - ამბობს ნეკა დოროყაშვილი. 

ცნობისთვის, ჩოგბურთელი ნიკოლოზ ბასილაშვილი ყოფილ მეუღლეზე ძალადობის გამო 22 მაისს დააკავეს, რომელიც დღეს თბილისის საქალაქო სასამართლომ 100 000-ლარიანი გირაოს სანაცვლოდ გაათავისუფლა. მომდევნო სხდომა 16 ივლისსაა ჩანიშნული.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო