„ლეიბორისტული პარტიის“ ლიდერმა, შალვა ნათელაშვილმა აშშ-ის სახელმწიფო მდივანსა და ფინანსთა მინისტრს ბიძინა ივანიშვილისთვის ფინანსური სანქციების დაწესების მოთხოვნით მიმართა.

ამის შესახებ მან ბრიფინგზე განაცხადა.

როგორც მან აღნიშნა, პრემიერ-მინისტრმა გახარიამ აშშ-ის სენატორებს პოლიტიკურად ანგაჟირებული ლობისტები უწოდა, რაც მსოფლიო დიპლომატიის ისტორიაში უპრეცედენტო შემთხვევაა.

„საყოველთაოდ ცნობილია, რომ როდესაც დადგა არჩევანი დასავლეთი ჩვენი სტრატეგიული პარტნიორი დადგებოდა ოლიგარქის მხარეს თუ ქართველი ხალხის მხარეს, უთანასწორო ბრძოლაში, დასავლეთმა აირჩია მისი უდიდებულესობა ქართველი ხალხი. აღნიშნულზე პასუხი გუშინ მოისმინეთ ე.წ. პრემიერ-მინისტრის ბაგეებიდან, რომელმაც აშშ-ის სენატორ ტედ კრუზს, საგარეო კომიტეტის თავმჯდომარე რიშს, სენატორ შაჰინს, კონგრესმენ კინზინგერს, სხვა სენატორებს, კონგრესმენებს და ევროპარლამენტის დეპუტატებს უწოდა პოლიტიკურად ანგაჟირებული ლობისტები. ეს მსოფლიო დიპლომატიის ისტორიაში უპრეცედენტო შეურაცხყოფა, თავხედობა და თავზე ხელის აღებაა. აღნიშნულმა კიდევ ერთხელ დაადასტურა, რომ ივანიშვილის რეჟიმს არაფერი არ გამოასწორებს გარდა სანქციებისა.

დღეს მივმართე აშშ-ის სახელმწიფო მდივანს, პომპეოს და ფინანსთა მინისტრს, მუნიჩს დაჩქარდეს ბიძინა ივანიშვილის და პუტინის კლასტერის წინააღმდეგ ფინანსური ქონებრივი სანქციების დაწესების პროცესი, რათა ჩვენ საარჩევნოდ დავანეიტრალოთ ეს საოკუპაციო ანექსიური ჯგუფი კრემლიდან. გარდა ამისა, აღნიშნული ქონება მოპარულია ქართველი ხალხისგან და უნდა მოხდეს უზრუნველყოდა მისი სამომავლო დაბრუნებისათვის ისევ ქართველ ხალხთან“, - განაცხადა შალვა ნათელაშვილმა.

ავტორი: ექსპრესნიუსი,

სოციალური ქსელები

ევროპული დაზვერვა: ჩინეთმა რუსი ჯარისკაცების საიდუმლოდ მომზადება დაიწყო უკრაინაში ომისთვის

უკრაინამ ფრონტის ხაზზე საჰაერო თავდაცვის განადგურებით გზა გაუხსნა თავის დრონებს რუსეთზე თავდასხმისთვის

საპატრიარქო - მუშაობის პროცესი მიზნად ისახავს, დიუშენის დაავადების მქონე ბავშვებისა და მათი ოჯახების საჭიროებების უფრო სიღრმისეულ შესწავლას

თიბისი მმართველ გუნდს საერთაშორისო საბანკო გამოცდილებით აძლიერებს