აშშ-ის სენატმა FBI-ს უფლება მისცა ქვეყანაში არსებული ნებისმიერი კომპიუტერული მოწყობილობის ბრაუზერის ისტორია სპეციალური ნებართვის და ოქმის გარეშე დაათვალიეროს. 

კანონი USA PATRIOT Act, რომელიც FBI-ს ინტერნეტ მომხმარებლების ბრაუზერების ისტორიაზე წვდომის უფლებას, სპეციალური ოქმის არსებობის შემთხვევაში აძლევდა , აშშ-ში 2001 წელს 11 სექტემბრის ტერაქტის შემდეგ იქნა მიღებული. მაშინ ამ გადაწყვეტილებამ შტატებში ვნებათაღელვის ტალღა გამოიწვია, რაც ლოგიკური იყო, რადგან ახალი კანონი ქვეყნის კონსტიტუციის მეოთხე შესწორებას არღვევდა, რომელიც სასამართლოს მიერ გამოწერილი ოქმის გარეშე ჩხრეკას კრძალავს.

ახალ კანონს იურიდიული დაწესებულება Fight For The Future გამოეხმაურა, რომელიც აშშ-ის მოქალაქეების ციფრულ უფლებებზე ზრუნავს. განცხადებაში ვკითხულობთ : "PATRIOT Act მთლიანად გასაუქმებელი, დასაწვავი და დასასამარებელია. ეს გასული საუკუნის ერთ-ერთი ყველაზე ცუდი კანონია. არ არსებობს არც ერთი მტკიცებულება იმისა, რომ მასში გაწერილი მასიური მიყურადების პროგრამებმა ერთი ადამიანის სიცოცხლე მაინც გადაარჩინეს".
2015 წელს USA PATRIOT Act-ის ნაწილი გაუქმდა, რომელიც FBI-ს მოსახლეობის სატელეფონო საუბრების მოსმენის უფლებას დაუბრკოლებლად აძლევდა.

ავტორი: გიორგი ბაზაევი, ექსპრესნიუსის რეპორტიორი 2010 წლიდან

სოციალური ქსელები

იტალიის პრემიერ-მინისტრი პუტინის G20-ის სამიტზე მიწვევას ეწინააღმდეგება

მედია: ტრამპმა პაკისტანში ირანთან მოსალაპარაკებლად აშშ-ს დელეგაცია არ გაგზავნა

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა