2020-05-13 12:37:16, 1338 ნახვა

---

ჰოლანდიური წარმოების 30 ათასი სწრაფი ტესტი, რომლებიც სინამდვილეში ჩინური აღმოჩნდა, ჯანდაცვის სამინისტრომ აღარ შეიძინა

ჯანდაცვის სამინისტრომ ჰოლანდიური წარმოების 30 000 სწრაფი ტესტი, რომელიც სინამდვილეში ჩინური წარმოების აღმოჩნდა, აღარ შეიძინა.

სამინისტროს ინფორმაციით, უწყებამ ხარვეზი დროულად აღმოაჩინა და დადებული ხელშეკრულება იქამდე გაწყვიტა, ვიდრე სახელმწიფო ტესტებს ოფიციალურად შეიძენდა.

შეგახსენებთ, რომ საქართველოს ჯანდაცვის სამინისტროს 24 აპრილის ხელშეკრულებით     30 000 სწრაფი ტესტი უნდა შეეძინა. ხელშეკრულების მიხედვით, კომპანიას სამინისტროსთვის ჰოლანდიური მწარმოებელის 930 000 ლარის ღირებულების ტესტები უნდა მიეწოდებინა. თუმცა, მოგვიანებით გაირკვა, რომ ტესტები სინამდვილეში არა ჰოლანდიაში, არამედ ჩინეთშია დამზადებული.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი