2020-05-08 13:31:01, 1096 ნახვა
პოლიტიკა
ბათუმის საკრებულოში დღეს სხდომა ჩაიშალა
ბათუმის საკრებულოში დღეს სხდომა ჩაიშალა.
ფრაქცია „ნაციონალური მოძრაობის“ ინიციატივით ჩანიშნულ სხდომაზე, სადაც აღნიშნული პარტიის ანტიკრიზისული გეგმა უნდა განეხილათ, მმართველი გუნდის წევრები არ გამოცხადდნენ.
მმართველ გუნდში აცხადებენ, რომ ოპოზიციური პარტიის მიერ წარმოდგენილ დოკუმენტში გრამატიკული შეცდომები იყო, რაც მიუთითებს იმაზე, რომ სპონტანურად მიიღეს ეს დოკუმენტი. ეს კი გახდა ერთ-ერთი მიზეზი იმას, რომ მმართველი გუნდი არ დაესწრო სხდომას.
„კიდევ ერთხელ ვამბობ, რომ უმრავლესობა გაეცნო ე.წ გეგმას. იქ შრიფტი, წერტილი, მძიმე აშკარად მიუთითებს, რომ გეგმა სპონტანურად იყო შემუშავებული“, - განაცხადა ფრაქცია „ქართული ოცნების“ თავმჯდომარემ, ნატალია ზოიძემ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
