ეს არის უაზრო ფაფხური „ქართული ოცნების“ მხრიდან, - ასე აფასებს „ახალი საქართველოს“ ლიდერი გიორგი ვაშაძე საქართველოს მიერ უკრაინიდან დიპლომატის გამოწვევის საკითხს.

მისი თქმით, სახელმწიფო ინტერესები ვიწრო პარტიულ ინტერესებს არ უნდა გადავაყოლოთ.

„ერთი რამ შემიძლია ვუწოდო „ქართული ოცნების“ ნაბიჯებს, ეს არის უაზრო ფაფხური და მეტი არაფერი. ვერაფერი ურთიერთობა ვერ გაფუჭდება. არ აქვს საქართველოს ეს ფუფუნება. საერთოდ უნდა გვესმოდეს, რომ ვიწრო პარტიულ ინტერესებს არ უნდა გადავაყოლოთ სახელმწიფო ინტერესები. ეს არის უკრაინის სუვერენული გადაწყვეტილება. შეეგუეთ ხალხნო ამას და მივხედოთ ჩვენს ქვეყანას. ხომ გავაქციეთ ეს ადამიანი და ახალ ჩვენ მივხედოთ ამ ქვეყანას. მაინც, რომ ადამინები მშივრები და უმუშევრები არიან. მეტი საქმე არა გაქვთ? რაზე გამოიხმეთ ახლა დიპლომატი? რომ გამოიხმეთ რას იზამთ? გაწყვიტავთ დიპლომატიურ ურთიერთობას? უკრაინა არის მსოფლიოს ბეღელი ხორბლის და ეს ხორბალი ჩვენც გვჭირდება და სხვა ქვეყნებსაც. ამ ვითარებაში ეს ხომ წარმოუდგენელია. ნატოშიც ერთად უნდა შევიდეთ და ევროკავშირშიც“, - განაცხადა გიორგი ვაშაძემ.

შეგახსენებთ, რომ საქართველოს მესამე პრეზიდენტი, მიხეილ სააკაშვილი უკრაინაში რეფორმების საბჭოს ხელმძღვანელად დაინიშნა. საპასუხოდ საქართველოს საგარეო საქმეთა სამინისტრომ უკრაინაში საქართველოს ელჩი გამოიძახა.

ავტორი: ექსპრესნიუსი,

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის