„როგორც ვიცი, ფაქტობრივი უზუსტობებია, დეტალურად არ ვიცი, წავიკითხავ და შემდეგ გაგცემთ პასუხს“, - ასე გამოეხმაურა საპარლამენტო უმრავლესობის ლიდერის მამუკა მდინარაძე Freedom House-ის ანგარიშსს.

მისი თქმით, უზუსტობაა მამუკა ხაზარაძის საქმესთან დაკავშირებით. თუმცა დოკუმენტს ის ზუსტად არ გაცნობია და სრულ კომენტარს მას შემდეგ გააკეთებს, როცა ანგარიშსს ნახავს.

„ჯერჯერობით მწირი ინფორმაცია მაქვს და მაგალითად, ვიცი, რომ საუბარია რამდენიმე უზუსტობაზე,  გეტყვით იმაზე, რაც თვალში მომხვდა. მაგალითად, ხაზარაძესთან დაკავშირებით ნათქვამია, რომ მის მიმართ გამოძიება დაიწყო და ბრალი წაუყენეს მას შემდეგ, რაც პოლიტიკაში მოვიდა. ეს ფაქტობრივი უზუსტობაა, არა შეფასებითი, არამედ ფაქტობრივი, რადგან ეროვნულმა ბანკმა განცხადება გაცილებით ადრე გააკეთა და გამოძიება გაცილებით ადრე იყო დაწყებული. როგორც ვიცი, ფაქტობრივი უზუსტობებია, დეტალურად არ ვიცი, წავიკითხავ და შემდეგ გაგცემთ პასუხს“, - განაცხადა მდინარაძემ.

შეგახსენებთ, რომ Freedom House-მა ყოველწლიური ანგარიში გამოაქვეყნა, სადაც საუბარია იმაზე, რომ სასამართლო სისტემა დიდი ხანია, რაც საქართველოს პოლარიზებულ პოლიტიკას წარმოადგენს. განხილვის ერთ-ერთი საგანი იყო „ლელო საქართველოსთვის“ დამფუძნებლის საქმე. ანაგარიშში ვკითხულობთ, რომ „პოლიტიკურ დარგში ბიზნესმენი მამუკა ხაზარაძე გამოჩნდა თუ არა, მაშინვე ფულის გათეთრების ბრალდება წაუყენეს“.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის