პირველი გამოაშკარავება არ იყო საკმარისი ხელისუფლებისთვის და თავიდან დათესა ტროლები და ბოტები, - ასე ეხმურება „ევროპული საქართველოს“ წევრი სერგი კაპანაძე FACEBOOK-ის მიერ კოკა ყანდიაშვილის „ესპერსონასთან“ დაკავშირებული 790 ანგარიშის გაუქმებას ეხმაურება.

როგორც კაპანაძე ეჭვობს, აღნიშნულში სავიუჯეტო ხარჯები იხარჯებოდა და მასში საჯარო მოხელეები იყვნენ ჩართული.

„უკვე მეორედ გამოააშკარავა „ფეისბუქმა“. როგორც ჩანს პირველი გამოაშკარავება არ იყო საკმარისი ხელისუფლებისთვის და ახლიდან დათესა ეს ტროლები და ბოტები. შესაბამისად, უკვე მეორედ მიიღო საკადრისი პასუხი „ფეისბუქის“ მხრიდან. აქ ცალკე გამოსაკვლევი საკითხია რამდენად არის ეს კანონის დარღვევა, რაც კეთდებოდა ქვეყნის შიგნით ხელისუფლების მხრიდან, იმ კონტექსტში თუ რა ფული იხარჯებოდა აქ. მაქვს ეჭვი, რომ აქ იხარჯებოდა საბიუჯეტო სახრები და საჯარო მოხელეები იყვნენ ამაში ჩართული. ცალკე აღსანიშნავია ის, რომ მხილებული იქნა „ნაციონალური მოძრაობა“ და მგონია, რომ ამ ოპოზიციურმა პარტიამ პასუხი უნდა გასცეს იმ კითხვებს, რომელიც გაჩნდა „ფეისბუქის“ მიერ მათი ანგარიშის წაშლის შედეგად“, - განაცხადა სერგი კაპანაძემ.

ცნობისთვის, Facebook-მა გუშინ 5 მაისს, „ქართული ოცნების“ პიარ კონსულტანტის, კოკა ყანდიაშვილის, მიერ შექმნილი „ესპერსონა“ და მასთან დაკავშირებული ასობით ანგარიში არაავთენტური ქცევის გამო გააუქმა.

ამასთან, Facebook-მა გააუქმა ქართული ანგარიშების კიდევ ერთი ქსელი, რომელიც ერთიან ნაციონალურ მოძრაობასთან იყო დაკავშირებული.

ჯამში, სოციალური ქსელის გიგანტმა „ესპერსონასთან“ დაკავშირებული 511 გვერდი, 101 პროფილი, 122 ჯგუფი და 56 Instagram-ანგარიში წაშალა.

ავტორი: ექსპრესნიუსი,

სოციალური ქსელები

კალასი: ევროკავშირმა შესაძლოა კვლავ წამოჭრას „ოცნებისა“ და ივანიშვილის წინააღმდეგ სანქციების საკითხი

ესტონეთი ევროკავშირს „ქართული რეჟიმის“ წინააღმდეგ პერსონალური სანქციების დაწესებისკენ მოუწოდებს

სარჯველაძე : რა ვადაში იქნება ნაპოვნი კონკრეტული პასუხი - ჩემთვის მითუმეტეს შეუძლებელია იმის ფონზე, რომ ამას ვერ ამბობს ინგლისის ხელისუფლება, ვერ ამბობს EMA

პირთა ჯგუფი ჯარში გაწვევის თავიდან ასარიდებლად, ყალბ ჯანმრთელობის ცნობებს ამზადებდა და 30 წვევამდელიდან ასი ათას ლარზე მეტი აიღო