„რეალურად როცა იყო საქმე გასაკეთებელი კონკრეტულად პარლამენტის მიერ იმ ფორმატებში, რა ფორმატებშიც უნდა მიეღო ოპოზიციას მონაწილეობა, მაშინ არიდებდნენ ისინი თავს მუშაობას და გამოცხადებული ჰქონდათ ბოიკოტი, ახლა, როდესაც აბსოლუტურად სხვა რეჟიმში უწევს პარლამენტს მუშაობა, ახლა მოინდომეს ბოიკოტიდან გასვლა, რაც მართლა ღიმილის მომგვრელია",-ამის შესახებ საპარლამენტო უმრავლესობის წევრმა ირაკლი კობახიძემ ტელეკომპანია „იმედის" ეთერში განაცხადა.

ირაკლი კობახიძის განცხადებით,  გასული წლების განმავლობაში, ოპოზიცია არც ერთი დღე არ ყოფილა კონცენტრირებული საქმეზე. მისივე თქმით, ეს არ იყო მათი ამოსავალი წერტილი და მთლიანად იყვნენ ორიენტირებული იმაზე, რომ პოლიტიკური ქულები დაეწერათ.

„ახლა ის ვითარებაა, როდესაც ერთადერთი, რაც საზოგადოებას აინტერესებს, არის საქმე, ამ პანდემიის და ეკონომიკური პრობლემების დაძლევა და არავის არ აინტერესებს, დღეს ვინ დაიწერს პოლიტიკურ ქულებს, იქნება ეს მმართველი პარტია თუ ოპოზიცია. ამ ვითარებაში, როდესაც ისინი არ არიან ორიენტირებული საქმეზე, არამედ ორიენტირებული არიან მხოლოდ ქულების დაწერაზე, ისინი აღმოჩნდნენ თამაშგარე მდგომარეობაში და ამის გამოვლინებაა ის განცხადებები, რომელიც კეთდება პარლამენტის მუშაობასთან დაკავშირებით",-განაცხადა ირაკლი კობახიძემ.

ირაკლი კობახიძემ განმარტებები გააკეთა ასევე პარლამენტების მუშაობის პრაქტითან დაკავშირებით საგანგებო მდგომარეობის დროს.

„საერთაშორისო პრაქტიკას რომ გადავხედოთ, ძალიან კარგად ჩანს თუ როფორ მუშაობს პარლამენტი დემოკრატიულ სივრცეში საგანგებო მდგომარეობის დროს. ასეთ დროს პარლამენტს უწევს საგანგებო რეჟომში გადასვლა, რაც ნიშნავს, რომ უკიდურესად შეზღუდულ რეჟომში ტარდება პლენარული და საკომიტეტო სხდომები, ასეთი არის პრაქტიკა დემოკრატიულ სივრცეში და ასეთი პრაქტიკით უწევს მუშაობა პარლამენტსაც. ჩვენ მოვისმინეთ არაერთი უსაფუძვლო კრიტიკა. პარლამენტი მუშაობს ზუსტად იმ პრაქტიკის შესაბამისად, რა პრაქტიკაც არის ჩამოყალიბებული დემოკრატიულ ქვეყნებში საგანგებო მდგომარეობის დროს",-განაცხადა ირაკლი კობახიძემ.​

ავტორი: ექსპრესნიუსი,

სოციალური ქსელები

კალასი: ევროკავშირმა შესაძლოა კვლავ წამოჭრას „ოცნებისა“ და ივანიშვილის წინააღმდეგ სანქციების საკითხი

ესტონეთი ევროკავშირს „ქართული რეჟიმის“ წინააღმდეგ პერსონალური სანქციების დაწესებისკენ მოუწოდებს

სარჯველაძე : რა ვადაში იქნება ნაპოვნი კონკრეტული პასუხი - ჩემთვის მითუმეტეს შეუძლებელია იმის ფონზე, რომ ამას ვერ ამბობს ინგლისის ხელისუფლება, ვერ ამბობს EMA

პირთა ჯგუფი ჯარში გაწვევის თავიდან ასარიდებლად, ყალბ ჯანმრთელობის ცნობებს ამზადებდა და 30 წვევამდელიდან ასი ათას ლარზე მეტი აიღო