თიბისი ბანკის თანადაფინანსებით გადაღებული მოკლემეტრაჟიანი მხატვრული ფილმი, რეჟისორ დათა ფირცხალავას "მამა" ლოკარნოს საერთაშორისო კინოფესტივალზე საუკეთესო მოკლემეტრაჟიან ფილმად აღიარეს. 

ახალგაზრდა ქართველი რეჟისორის, დათა ფირცხალავას ნამუშევარი საერთაშორისო კინოფესფესტივალის საკონკურსო პროგრამაში, იმედისმომცემი  ტალანტების  სექციაში, Pardi di domain იყო წარდგენილი. 

ფილმი ეროვნული კინოცენტრის 2014 წლის კონკურსზე გამარჯვებული პროექტია, რომლის გადაღებაში "თიბისი ბანკმა" ფინანსური მონაწილეობა მიიღო. 
როგორც ცნობილია, თიბისი ბანკმა ეროვნული კინოცენტრის მიერ გამოცხადებული კონკურსი დამატებით 100 000 ლარით დააფინანსა, რამაც გაზარდა  კინოწარმოების ფონდი და შესაძლებელი გახდა დაგეგმილზე მეტი ფილმის დაფინანსება. 

ეს იყო  პირველი პრეცედენტი, როდესაც, ქვეყანაში კინემატოგრაფის განვითარების მიზნით, სახელმწიფო სუბსიდიასთან ერთად, კინოწარმოებაში ჩაერთო კერძო ბიზნესი. 

ლოკარნოს კინოფესტივალის პრიზიორ „მამა“-სთან ერთად,თიბისის თანადაფინანსებით გადაღებული ფილმებია: ტატო კოტეტიშვილის„ოგასავარა“,თამარ შავგულძის„პირველი დღე“, თორნიკე ბზიავას „მექელეხე“,  ვახო ჯაჯანიძის „გამოსვლა“ და  გიორგი წილოსანის “მზადება“. ფილმების პრემიერა პირველ ივლისს,კინოთეატრ "ამირანში" შედგა. 

ლოკარნოს კინოფესტივალი შვეიცარიის ქალაქ ლოკარნოში 1946 წლიდან იმართებადა ცნობილია როგორც აღმოჩენების ფესტივალი. მრავალი კინორეჟისორის თუ მსახიობის წარმატებული კარიერა სწორედ ლოკარნოში დაიწყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა